యంగ్ హీరో కార్తీక్ ఆర్యన్, నేషనల్ అవార్డ్ విన్నింగ్ డైరెక్టర్ సమీర్ విద్వాంస్ కాంబినేషన్లో సత్యనారాయణ్ కీ కథ పేరుతో సినిమా చేస్తున్న సంగతి తెలిసిందే. ప్రముఖ నిర్మాత సాజిద్ నడియాద్ వాలా, నమః పిక్చర్స్ తో కలిసి సినిమాను నిర్మించబోతున్నారు. కార్తీక్ ఇప్పటికే పలు ప్రేమకథా చిత్రాలలో నటించినా, ఇది అతనికి ఓ కొత్త కథా చిత్రం అవుతుందని చిత్ర యూనిట్ చెప్పుకొచ్చింది
సత్యనారాయణ్ కీ కథ యూనిక్ లవ్ స్టోరీ కాగా, ప్రేమలోని శక్తిని తెలియచేసే కథ గా ఇందులో కార్తీక్ లోని అమాయకత్వం ప్రతి ఒక్కరి హృదయాలనూ గెలుచుకుంటుంది అని అంటున్నారు. ఈ యూనిక్ లవ్ స్టోరీలో కార్తీక్ ఆర్యన్ తో శ్రద్ధ కపూర్ జతకట్టబోతోంది. ఇటీవలే మూవీ టైటిల్ ను అనౌన్స్ చేస్తూ టైటిల్ మోషన్ పోస్టర్ ను రిలీజ్ చేశారు. అయితే తాజాగా ఈ సినిమా టైటిల్ ను మారుస్తునట్టు దర్శకుడు అధికారికంగా ప్రకటించారు. ఎవరి మనోభావాలను దెబ్బతీయకుండా ఉండటానికి టైటిల్ మారుస్తున్నామని చెప్పారు. ఈ నిర్ణయానికి సినిమా నిర్మాతలు, మా బృందం కూడా పూర్తి మద్దతు ఇస్తున్నాయి. త్వరలోనే మా ప్రేమకథకు కొత్త టైటిల్ ను ప్రకటిస్తాము” అని ట్వీట్ చేశారు సమీర్ విద్వాంస్.
ఇక కార్తీక్ ఆర్యన్ సినిమాల విషయానికి వస్తే, అతను నటించిన ‘థమాకా’ ఓటీటీలో విడుదల కాబోతోంది. ప్రస్తుతం ‘భూల్ బులయ్యా 2’ సెట్స్ పై ఉంది. దీని తర్వాత ‘అల వైకుంఠపురములో’ రీమేక్ సెట్స్ పైకి వెళుతుందని అంటున్నారు. అలానే హన్స్ లాల్ మెహతా నిజ సంఘటనల ఆధారంగా తీయబోతున్న సినిమాలో కార్తీక్ ఆర్యన్ ఎయిర్ ఫోర్స్ పైలట్ గా నటించబోతున్నాడు.