నాణ్యతా ప్రమాణాలు పాటించాలి

భువనగిరి అర్బన్‌: పట్టణంలోని వార్డుల్లో చేపట్టిన సీసీ, బీటీ రోడ్డు నిర్మాణ పనుల్లో నాణ్యతా ప్రమాణాలను పాటించాలని మున్సిపల్‌ చైర్మన్‌ ఎనబోయిన ఆంజనేయులు అన్నారు. పట్టణంలోని 5, 6వ వార్డుల్లో చేపట్టిన బీటీ రోడ్డు  పనులను శనివారం ఆయన పరిశీలించారు. అనంతరం మాట్లాడుతూ రోడ్డు నిర్మాణ పనుల్లో ఎలాంటి జాప్యం లేకుండా త్వరగా పూర్తి చేయాలని  కాంట్రాక్టర్లకు సూచించారు. వార్డుల్లో జరుగుతున్న అభివృద్ధి పనులపై ప్రజాప్రతినిధులు పర్యవేక్షించాలన్నారు. వార్డుల్లో బీటీ రోడ్ల ఏర్పాటుతో ప్రజల రో డ్డు సమస్యలు తీరుతాయని అన్నారు. ఆయన వెంట వైస్‌ చైర్మన్‌ కిష్టయ్య, కౌన్సిలర్లు కిరణ్‌ కుమార్‌, తుమ్మల అనురాధాపాండు, దిడ్డికాడి భగత్‌, మున్సిపల్‌ సిబ్బంది, వార్డు ప్రజలు పాల్గొన్నారు.