కార్మికులకు అండగా ఉంటాం

 ఆలేరు: ఆటోకార్మికులకు అండగా ఉంటామని ప్రభుత్వ విప్‌ గొంగిడి సునీత, డీసీసీబీ చైర్మన్‌ గొంగిడి మహేందర్‌రెడ్డి అన్నారు. సోమవారం హైదరాబాద్‌లోని మినిస్టర్‌ క్వార్టర్‌లో టీఆర్‌ఎస్‌కేవీ వాల్‌పోస్టర్‌ను వారు ఆవిష్కరించారు. ఈ సందర్భంగా మాట్లాడుతూ యాదాద్రి కొండపైకి వాహనాలు నడిపే ఆటోకార్మికులు భక్తులకు అందుబాటులో ఉండి వారి ప్రయాణానికి ఎలాం టి అసౌకర్యం లేకుండా చూడాలన్నారు. ఈ సందర్భంగా ఎస్‌ఎల్‌ఎన్‌ఎస్‌, టీఆర్‌ఎస్‌ కేవీ, యాదాద్రి, జైశ్రీరాం ఆటో యూనియన్‌ కార్మికులు ప్రభుత్వ విప్‌ సమక్షంలోనే పనిచేస్తామని హామీ ఇచ్చారు. టీఆర్‌ఎస్‌ మండల అధ్యక్షుడు కర్రె వెంకటయ్య, నాయకులు శ్రీధర్‌గౌడ్‌, గుండుసాయి, గడ్డమీది దేవేందర్‌, ర్యాకల రాజు, నల్లమాస ఆంజనేయులు, గడ్డం చంద్రం, బాబురావు పాల్గొన్నారు.