ఇంటికే పాసు బుక్కులు : అదనపు కలెక్టర్‌

ఆలేరు : ధరణి రిజిస్ట్రేషన్‌ పూర్తి కాగానే వారం రోజుల్లో ఇంటికే ఒరిజినల్‌ పట్టాదారు పాసుబుక్కులు వస్తాయని, కార్యాలయాల చుట్టూ తిరిగే అవసరంలేదని అదనపు కలెక్టర్‌ కీమ్యానాయక్‌ స్పష్టం చేశారు. గురువారం యాదగిరిగుట్ట తహసీల్దార్‌ కార్యాలయంలో ధరణి రిజిస్ట్రేషన్‌ ప్రక్రియను ఆయన పరిశీలించారు. ఈ సందర్భంగా రిజిస్ట్రేషన్‌ కోసం వచ్చిన వారితో ఆయన మాట్లాడారు. ధరణి సేవలపై రైతులను అడిగి తెలుసుకున్నారు. ఈ సందర్భంగా ఆయన మాట్లాడుతూ.. ఒక్క రూపాయిని కూడా అధికారులకు ఇవ్వొద్దని, ఆన్‌లైన్‌లో పొందుపర్చిన చార్జీలు చెల్లిస్తే చాలన్నారు. రిజిస్ట్రేషన్ల కోసం రైతులు కార్యాలయాల చుట్టూ తిరిగే పరిస్థితి లేకుండా ప్రభుత్వం ధరణి సేవలను తీసుకొచ్చిందన్నారు. ప్రతి రైతు ఈ అవకాశాన్ని సద్వినియోగం చేసుకోవాలన్నారు. కార్యక్రమంలో తహసీల్దార్‌ అశోక్‌రెడ్డి, డీటీ నర్సింహారావు, ధరణి ఆపరేటర్‌ నవీన్‌ తదితరులు 

పాల్గొన్నారు.