శుక్రవారం 05 మార్చి 2021
Yadadri - Oct 29, 2020 , 02:08:39

వైభవంగా సుదర్శన నారసింహ హోమం

వైభవంగా సుదర్శన నారసింహ హోమం

  • పెద్ద ఎత్తున మొక్కులు చెల్లించుకున్న భక్తులు
  • శ్రీవారి ఖజానాకు రూ. 5,62,997 ఆదాయంవైభవంగా సుదర్శన నారసింహ హోమం
  • పెద్ద ఎత్తున మొక్కులు చెల్లించుకున్న భక్తులు
  • శ్రీవారి ఖజానాకు రూ. 5,62,997 ఆదాయం

ఆలేరు: యాదాద్రి శ్రీలక్ష్మీనరసింహస్వామికి బుధవారం  సుదర్శన నారసింహహోమం వైభవంగా జరిగింది. బాలాలయంలో నిత్య కైంకర్యాలు సంప్రదాయంగా కొనసాగాయి. ఉదయం ఆలయాన్ని తెరిచిన అర్చకులు స్వామిఅమ్మవార్లకు పంచామృతాలతో నిజాభిషేకం చేశారు. అనంతరం పట్టవస్ర్తాలను ధరింపజేసి వివిధ రకాల పుష్పాలతో అలంకరించారు. వేకువజామునే ఆలయాన్ని తెరిచి ఆరాధన, సహస్త్రనామార్చన, సువర్ణపుష్పార్చన వంటి నిత్య  కైంకర్యాలు నిర్వహించారు. నిత్య కల్యాణంలో భక్తులు పాల్గొని మొక్కులు చెల్లించుకున్నారు. అంతకుముందు అష్టోత్తర పూజలు, బ్రహ్మోత్సవ వేడుకలు చేపట్టారు. ఆలయ మండపంలో ఉదయం , సాయంత్రం ప్రత్యేక సేవలు నిర్వహించారు. ఇక వ్రత మండపంలో నిర్వహించిన శ్రీసత్యనారాయణస్వామి వ్రతాల్లో భక్తులు మొక్కు పూజలు చేశారు.

ఖజానాకు రూ. 5,62,997 ఆదాయం

యాదాద్రి శ్రీలక్ష్మీనరసింహస్వామి ఖజానాకు రూ. 5,62,997 సమకూరినట్లు ఆలయ ఈవో గీత తెలిపారు. ప్రధాన బుక్కింగ్‌ ద్వారా  రూ. 37,276, రూ. 100 దర్శ నం ద్వారా రూ. 14,100,  ప్రచారశాఖ ద్వారా రూ. 1,2 10, వ్రతాల ద్వారా రూ. 17,000, కల్యాణకట్ట ద్వారా రూ. 17,260, ప్రసాదవిక్రయాల ద్వారా రూ. 2,5 1,190, శాశ్వత పూజల ద్వారా రూ. 5,348, వాహనపూజల ద్వారా రూ. 9,600, టోల్‌గేట్‌ ద్వారా రూ. 2,260, అన్నదాన విరాళం ద్వారా రూ. 1,02,449, ఇతర విభాగాలతో రూ. 1,03,564 కలిపి మొత్తం రూ. 5,62,997 ఆదాయం వచ్చినట్లు ఆలయ అధికారులు పేర్కొన్నారు. 

VIDEOS

logo