కరోనా సెకండ్ వేవ్ దెబ్బకు జనాలు పిట్టల్లా రాలిపోతున్నారు. స్మశనాలు ఖాళీగా ఉండడం లేదు. కాలిన కట్ట ఆరక ముందే మరో కట్టె వెలుగుతుంది. ఈ భయానక పరిస్థితి చూసి ప్రతి ఒక్కరు భయపడాల్సిన పరిస్థితి నెలకొంది. కరోనా వలన సామాన్యులే కాదు సెలబ్రిటీలు సైతం తనువు చాలిస్తున్నారు. రీసెంట్గా సీనియర్ నటి మాలా శ్రీ భర్త, నిర్మాత కొణిగల్ రాము(52) గత కొద్ది రోజులుగా బెంగళూరులోని ప్రైవేట్ ఆసుపత్రిలో చికిత్స పొందుతూ కన్నుమూశారు.
మాలా శ్రీ 90ల కాలంలో స్టార్ హీరోయిన్ పేరు తెచ్చుకుంది. ఇక్కడ విజయశాంతి ఎలానో, కన్నడ నాట ఆమె రేంజ్ అలా ఉండేది. తెలుగులో ‘బావా బావమరిది, భలే మావయ్య, అల్లరి పోలీస్ లాంటి హిట్ సినిమాలు చేసి అలరించింది. మాలా శ్రీ భర్త కొణిగల్ రాము కన్నడ ఇండస్ట్రీలో ఎన్నో మంచి సినిమాలు తీసారు. ఆయన ఇలా కరోనాకు బలి కావడం ఇండస్ట్రీకి తీరని విషాదాన్ని మిగిల్చింది. మాలాశ్రీ, రాములకు ఓ కుమారుడు, ఓ కుమార్తె ఉన్నారు. ఆయన మృతికి కన్నడ ఇండస్ట్రీకి చెందిన ప్రముఖులు సంతాపం తెలిపారు.
ఇవికూడా చదవండి..