గంగమ్మకు పూజలు

 ఆలేరు: ఇటీవల కురిసిన వర్షానికి చెరువులకు జలకళ సంతరించుకున్నది. మండల వ్యాప్తంగా ఉన్న 90 చెరువుల్లోకి వరదనీళ్లు వచ్చి చేరాయి. యాదగిరిగుట్ట మండలంలోని మల్లాపురం పెద్ద చెరువులో వరద నీళ్లు వచ్చి చేరడంతో మత్తడి పోసింది. దీంతో ఆదివారం చెరువు వద్ద గంగమ్మకు పూజలు చేశారు. ఈ సందర్భంగా మల్లాపురం సర్పంచ్‌ కర్రె వెంకటయ్య మాట్లాడుతూ.. ప్రభుత్వ విప్‌, ఆలేరు ఎమ్మెల్యే గొంగిడి సునీతామహేందర్‌రెడ్డి  కొద్దిరోజులుగా ఫీడర్‌ ఛానళ్ల పునరుద్ధరణ పనులు చేపట్టారని, దీంతో వర్షపు నీరు నేరుగా చెరువుల్లోకి చేరాయన్నారు. కార్యక్రమంలో ఉప సర్పంచ్‌ పల్లెపాటి మాధవులు, మాజీ సర్పంచ్‌ పల్లెపాటి బాలయ్య, వార్డు సభ్యులు గుల్లని భాస్కర్‌, జిన్నా బాలయ్య, కృష్ణారెడ్డి, తదితరులు పాల్గొన్నారు.