ఆపదలో ఉన్న అతివల కోసం సర్కారు ప్రత్యేక చర్యలు
దేశంలోనే తెలంగాణలో మొట్టమొదటిసారిగా అమలు
మూడు కేంద్రాలు.. ఎనిమిది మంది సభ్యులు
ఎదులాపురం, ఏప్రిల్ 18: మహిళలు, ఆడపిల్లల రక్ష ణ కోసం తెలంగాణ ప్రభుత్వం ప్రత్యేక చర్యలు తీసుకుంటున్నది. ఇది వరకే షీ టీమ్, 100, 181, 1098 టోల్ ఫ్రీ నంబర్లను అందుబాటులో ఉండ గా.. ఇప్పుడు క్యూఆర్ కోడ్ను కొత్తగా తీసుకొచ్చిం ది. ఇది దేశంలోనే మొట్టమొదటి సారిగా అమలు చేస్తున్న ఏకైక రాష్ట్రం తెలంగాణ. క్యూఆర్ కోడ్ ద్వా రా మహిళలు, ఆడపిల్లలే కాకుండా వివిధ రంగాల లో పనిచేస్తున్న వారు ఫిర్యాదు చేయవద్దు.
క్యూఆర్ కోడ్ ద్వారా ఫిర్యాదు ఇలా..
స్మార్ట్ ఫోన్లో క్యూఆర్ కోడ్ అప్లోడ్ చేసుకోవాలి. ఇందులో నుంచి షీటీమ్ క్యూఆర్ కోడ్ను స్కాన్ చేయాలి. ఇందులో ఫిర్యాదారుడు పేరు, వయస్సు, ఫోన్ నంబర్, జిల్లా, ఫిర్యాదుదారు చేసే వృత్తి అప్లోడ్ చేయాలి. సమాచారం నిజమని ధ్రువీకరిస్తున్నట్లు సబ్మిట్ చేయాలి. ఈవ్టీజింగ్, ఫోన్, ఆన్లైన్, ఇతర వేధింపుల గురించి ఫిర్యాదు చేయవచ్చు. మహిళలు, పురుషులు, థర్డ్ జండర్ వారికి కూడా అవకాశం ఉంది. ఫిర్యాదు చేసిన వెంటనే మీ పరిధిలోని షీటీమ్ పోలీసులకు సమాచారం పది నిమిషాల్లో అందజేస్తారు. ఎవరికి తెలియకుండా షీటీమ్ సభ్యులు వారి పని చేసుకుంటా రు. ఆన్లైన్లో ఫిర్యాదు ప్రొగ్రెస్ కూడా ఎంత వర కు వచ్చిందో తెలుసుకోవచ్చు. ఇచ్చిన ఫిర్యాదు ఆ ధారంగా కౌన్సెలింగ్, కేసు ఉన్నతాధికారుల పర్యవేక్షణ అనేది ఫిర్యాదుదారుడిపై ఆధారపడి ఉంటుంది.
వాట్సాప్, ఈమెయిల్ ద్వారా ..
ఆకతాయిలు వేధింపులకు గురిచేసినపుడు జీ-మెయిల్ sheteamadilabad.@gmail.com, వాట్సాప్ నంబర్ 6303904511కు, ఫేస్బుక్ ఐడి sheteamadilabad.@gmail.com, ట్విట్టర్ sheteamadilabad.@gmail.comకు లేదా డయల్ 100కు ఫిర్యాదు చేయవచ్చు. ఆదిలాబాద్ జిల్లాలో మూడు షీ టీమ్లు పనిచేస్తున్నాయి. ఆదిలాబాద్ పట్టణం, ఆదిలాబాద్ రూరల్, ఉట్నూర్ ప్రాంతాల్లో మొత్తం ఎనిమిది మంది ఉంటారు. ఇం దులో నలుగురు మహిళలు, నలుగురు పురుషులు ఉన్నారు.
ఫిర్యాదుల స్వీకరణపై శిక్షణ
రాష్ట్ర వ్యాప్తంగా షీటీమ్స్ సిబ్బందికి క్యూఆర్ కోడ్ గురించి ఆన్లైన్ ద్వారా మూడు రోజులు శిక్షణ ఇచ్చారు. ఫిర్యాదులు ఎలా స్వీకరించాలి? ఐపీసీ సెక్షన్ కింద కేసులు ఎలా నమోదు చేయాలి. షీటీం సాఫ్ట్వేర్ను ఎలా వినియోగించుకోవాలనే అంశాలపై 308 మంది సిబ్బందికి రాష్ట్ర మహిళ భద్రత విభాగం ఆధ్వర్యంలో ప్రత్యేక శిక్షణ ఇచ్చారు. శిక్షణ కార్యక్రమాల్లో అడిషనల్ డీజీ స్వాతీలక్రా, డీఐజీ సుమతి, ఇతర పోలీస్ ఉన్నతాధికారులు, సిబ్బంది పాల్గొన్నారు.