స్వచ్ఛ తెలంగాణే మంత్రి కేటీఆర్‌ లక్ష్యం

• మున్సిపల్‌ చైర్మన్‌ వెన్‌రెడ్డి రాజు
  

చౌటుప్పల్‌ : స్వచ్ఛ తెలంగాణే లక్ష్యంగా మున్సిపల్‌శాఖ మంత్రి కేటీఆర్‌ అడుగులు వేస్తున్నారని మున్సిపల్‌ చైర్మన్‌ వెన్‌రెడ్డి రాజు తెలిపారు. మున్సిపాలిటీ కేంద్రంలో ‘ప్రతి ఆదివారం పది గంటలకు పది నిమిషాలు’ కార్యక్రమంలో భాగంగా ఆదివారం మున్సిపాలిటీ కేంద్రంలో పేరుకుపోయిన చెత్తా చెదారాన్ని మున్సిపల్‌ చైర్మన్‌ తొలగించారు. మురుగు కాలువల్లో బ్లీచింగ్‌ పౌడర్‌ చల్లించారు. ఈ సందర్భంగా ఆయన మాట్లాడుతూ దోమల నివారణకు ప్రతిఒక్కరూ పరిసరాల పరిశుభ్రతను పాటించాలన్నారు. పాత టైర్లు, కూలర్లు, పాత షూలు, పూల కుండీల్లో నీరు నిల్వకుండా జాగ్రత్త పడాలన్నారు. ప్రజలంతా పరిసరాల పరిశుభ్రతను పాటించాలని కోరారు.  కమిషనర్‌ రాందుర్గారెడ్డి, పారిశుధ్య కార్మికులు పాల్గొన్నారు.