జడ్పీ చైర్మన్‌ సందీప్‌రెడ్డి ప్రత్యేక పూజలు

భువనగిరి, నమస్తే తెలంగాణ : శివారాత్రి ఉత్సవాల్లో భాగంగా శనివారం మండలంలోని వడాయిగూడెంలోని కాశీ అన్నపూర్ణేశ్వరస్వామి ఆలయంలో జడ్పీ చైర్మన్‌ ఎలిమినేటి సందీప్‌రెడ్డి ప్రత్యేక పపూజలు చేశారు. ఈ సందర్భంగా ఏర్పాటు చేసిన అన్నదాన కార్యక్రమాన్ని ఆయన ప్రారంభించారు. అనంతరం జడ్పీ చైర్మన్‌ మాట్లాడుతూ  ప్రతి ఒక్కరూ నియమనిష్టలతో శివరాత్రి జాగారణను అనుసరించడం సంతోషకరమన్నారు. శివరాత్రి రోజున ఉపవాస దీక్ష, జాగరణ చేయంతో ఎంతో పుణ్యఫలాన్ని అందిస్తుందన్నారు. కార్యక్రమంలో సర్పంచ్‌ గుండు మనీశ్‌కుమార్‌గౌడ్‌, ఉపసర్పంచ్‌ పోశెట్టి గ్రామస్థులు తదితరులు అధిక సంఖ్యలో పాల్గొన్నారు.

అలాగే మండలం పరిధి బస్వాపూర్‌ గ్రామంలోని శంభులింగేశ్వరస్వామి ఆలయంలో శనివారం అన్నదానం నిర్వహించారు. జిల్లా గ్రంథాలయ సంస్థ చైర్మన్‌ డాక్టర్‌ జడల అమరేందర్‌గౌడ్‌, ఎంపీపీ నరాల నిర్మలావెంకటస్వామి, జడ్పీటీసీ సభ్యుడు సుబ్బూరు బీరుమల్లయ్య, సర్పంచ్‌ కస్తూరి మంజులాశ్రీశైలం తదితరులు స్వామి వారిని దర్శించుకున్నారు. అనంతరం అన్నదాన కార్యక్రమాన్ని వారు ప్రారంభించారు. కార్యక్రమంలో గ్రామస్తులు పాల్గొన్నారు.