గురువారం 22 అక్టోబర్ 2020
Yadadri - Jan 18, 2020 , 23:50:49

టీఆర్‌ఎస్‌ అభ్యర్థుల గెలుపు ఖాయం

టీఆర్‌ఎస్‌ అభ్యర్థుల గెలుపు ఖాయం


భువనగిరి, నమస్తే తెలంగాణ : మున్సిపల్‌ ఎన్నికల్లో టీఆర్‌ఎస్‌ అభ్యర్థుల గెలుపు ఖాయమని ఎమ్మెల్యే సతీమణి పైళ్ల వనిత అన్నారు. పట్టణంలోని పలు వార్డుల్లో శనివారం టీఆర్‌ఎస్‌ అభ్యర్థుల ఎన్నికల ప్రచారంలో పాల్గొని  ఆమె మాట్లాడారు. ముఖ్యమంత్రి కేసీఆర్‌ సారథ్యంలో తెలంగాణ రాష్ట్రం అన్నిరంగాల్లో అభివృద్ధి పధంలో ముందుకుసాగుతున్నదన్నారు. పురపాలిక ఎన్నికల్లో టీఆర్‌ఎస్‌ విజయ దుందుభి మోగించనుందన్నారు. భువనగిరి మున్సిపల్‌ సమగ్రాభివృద్ధి సాధించాలంటే టీఆర్‌ఎస్‌ పార్టీ బలపరిచిన అభ్యర్థుల కారు గుర్తుకు ఓటు వేసి గెలిపించాలన్నారు. అనునిత్యం ప్రజల మధ్య ఉంటూ నిరంతరం ప్రజల సమస్యల పరిష్కారం కోసం పాటుపడే ఎమ్మెల్యే పైళ్ల శేఖర్‌రెడ్డి పట్టణ సమస్యలను పూర్తిస్థాయిలో పరిష్కరిస్తారన్నారు. బంగారు తెలంగాణ రూపకల్పనలో అన్ని వర్గాల ప్రజలు భాగస్వాములు కావాలని సూచించారు. ఆయా కార్యక్రమాల్లో జిల్లా గ్రంథాలయ సంస్థ చైర్మన్‌ డాక్టర్‌ జడల అమరేందర్‌గౌడ్‌, పీఏసీఎస్‌ చైర్మన్లు ఎడ్ల సత్తిరెడ్డి, బల్గూరి మధుసూదన్‌రెడ్డి, ఎంపీపీ నరాల నిర్మలవెంకటస్వామి, జెడ్పీటీసీ సభ్యులు సుబ్బూరు బీరుమల్లయ్య, మార్కెట్‌ కమిటీ చైర్మన్‌ కొలను లావణ్యదేవేందర్‌రెడ్డి, వైస్‌ చైర్మన్‌ అబ్బగాని వెంకట్‌గౌడ్‌, టీఆర్‌ఎస్‌ మండల పార్టీ అధ్యక్షుడు జనగాం పాండు, టీఆర్‌ఎస్‌ నాయకులు పైళ్ల రాజవర్ధన్‌రెడ్డి ఎడ్ల రాజేందర్‌రెడ్డి, చందుపట్ల రాజేశ్వరావు, కోమటిరెడ్డి మోహన్‌రెడ్డి, జక్క రాఘవేందర్‌రెడ్డి, నక్కల చిరంజీవియాదవ్‌, రైతు సమన్వయ సమితి మండల కన్వీనర్‌, వివిధ గ్రామాల సర్పంచ్‌లు, ఎంపీటీసీ సభ్యులు, టీఆర్‌ఎస్‌ నాయకులు, కార్యకర్తలు తదితరులు పాల్గొన్నారు.



logo