సోమవారం 01 మార్చి 2021
Yadadri - Sep 14, 2020 , 00:37:23

వెయ్యేండ్ల యాదాద్రి

వెయ్యేండ్ల యాదాద్రి

ఆగమ శాస్ర్తోక్తంగా ఆలయ నిర్మాణ పనులు 

ఆరు గంటల పాటు పరిశీలించిన సీఎం కేసీఆర్‌ 

ఆలయ స్థపతులు, ఆర్కిటెక్ట్‌ అధికారులకు సూచనలు

హరిత హోటల్‌లో అధికారులతో సమీక్ష 

టెంపుల్‌ సిటీలో సుమారు 200 ఎకరాల్లో 365 కాటేజీలు.. 

నాలుగు వేల మందికి ఒకేసారి సత్యనారాయణ వ్రతం.. 

5 వేల కార్లు, 10 వేల బైకులను నిలిపేలా పార్కింగ్‌

మూడు వారాల్లో రూ.75 కోట్లు విడుదల చేయాలని ఆదేశాలు 

అణువణువునా ఆధ్యాత్మికతతో... అడుగడుగునా అత్యద్భుతంగా పునర్నిర్మితమవుతున్న యాదాద్రి  ఆలయ పనులను ఆదివారం ముఖ్యమంత్రి కే.చంద్రశేఖర్‌రావు పరిశీలించారు. మధ్యాహ్నం 12.20కి కొండపైకి చేరుకున్న సీఎం కేసీఆర్‌కు ఆలయ ప్రధానార్చకులు నల్లందీగల్‌ లక్ష్మీనరసింహచార్యులు పూర్ణకుంభ స్వాగతం పలికి చతుర్వేద ఆశీర్వచనం అందించారు.     అనంతరం బాలాలయంలో ప్రత్యేక పూజలు చేసిన సీఎం.. ఆలయం మొత్తం కలియతిరిగారు. బాహ్య, అంతః ప్రాకారాలు, విగ్రహాలు, సాలహారాలు... ఇలా అన్నింటినీ పరిశీలిస్తూ ఆలయ స్థపతులు, ఆర్కిటెక్ట్‌ అధికారులకు పలు సూచనలు చేశారు. సంప్రదాయ, ఆగమ శాస్త్ర నియమాలు పాటిస్తూ ఆలయ పునర్నిర్మాణ పనులను జరగాలని... ఆలయం ఆసాంతం బంగారం, వెండి ధగధగలతో మెరవాలని.. వెయ్యేండ్ల పాటు నిలిచేలా యాదాద్రి నిర్మాణం ఉండాలని సీఎం కేసీఆర్‌ ఆకాంక్షించారు. నూతన లైటింగ్‌ విధానాన్ని ప్రొజెక్టర్‌ ద్వారా వీక్షించిన ఆయన సుమారు 6 గంటల పాటు ఆలయ అభివృద్ధి పనులను పరిశీలించారు. ఆపై అధికారులతో సమీక్ష నిర్వహించి టెంపుల్‌ సిటీలో సుమారు 200 ఎకరాల్లో 365 కాటేజీలను నిర్మించాలని, నాలుగు వేల మంది ఒకేసారి సత్యనారాయణ వ్రతం చేసుకునేలా ఏర్పాట్లు చేయాలన్నారు. భక్తుల రద్దీని దృష్టిలో ఉంచుకొని 5 వేల కార్లు, 10 వేల బైకులను నిలిపేలా పార్కింగ్‌ సౌకర్యం కల్పించాలని సూచించారు. పనులు వేగవంతం కావాలని, ఇందుకోసం మూడు వారాల్లో రూ.75 కోట్లు విడుదల చేయాలని ఆర్థిక శాఖకు ఆదేశాలిచ్చారు. 

VIDEOS

తాజావార్తలు


logo