అప్ప‌ట్నుంచి అంటే దాదాపు రెండు ద‌శాబ్దాలుగా తెలుగు, త‌మిళ చిత్రసీమ‌ల్లో స్టార్ హీరోయిన్‌గా కొన‌సాగుతోంది.
తాజాగా పాన్ ఇండియా చిత్రం పొన్నియ‌న్ సెల్వ‌మ్-1తో హిట్ అందుకుంది త్రిష.
ఈ క్ర‌మంలో త్రిష పెళ్లి విష‌యం మ‌రోసారి తెర‌మీద‌కు వ‌చ్చింది. పెళ్లి ఎందుకు చేసుకోవ‌ట్లేదు అని ఎదురైన ప్ర‌శ్న‌కు సీరియ‌స్ కౌంట‌ర్ ఇచ్చింది.
నేను ఎందుకు పెళ్లి చేసుకోవ‌డం లేద‌ని చాలా మంది అడుగుతుంటారు. కానీ వాళ్లు అడిగే విధానం అస్స‌లు న‌చ్చ‌దంటూ చెప్పుకొచ్చింది త్రిష.
పెళ్లి త‌న వ్య‌క్తిగ‌త‌మ‌ని.. ఎప్పుడు చేసుకుంటావ్ అని అడిగితే వెంట‌నే స‌మాధానం చెప్ప‌లేన‌ని పేర్కొంది.
త‌న ఫ్రెండ్స్, స‌న్నిహితుల్లో చాలామంది పెళ్లి చేసుకొని సంతృప్తిగా లేర‌ని.. పిల్ల‌ల కోస‌మో, ఫ్యామిలీ కోస‌మో క‌లిసి ఉంటున్నార‌ని తెలిపింది.
ఇంకొంత‌మంది ఇప్ప‌టికే విడాకులు కూడా తీసుకున్నార‌ని త్రిష చెప్పుకొచ్చింది.
అలా మ‌ధ్య‌లో ముగిసిపోయే బంధాలు త‌న‌కు వ‌ద్ద‌ని.. త‌న‌తో జీవితాంతం క‌లిసి ఉండే వ్య‌క్తి దొరికే వ‌ర‌కు ఎదురుచూస్తానని తెలిపింది.
అందుకే త‌న పెళ్లి ఆల‌స్యం అవుతుంద‌ని త్రిష స్ప‌ష్టం చేసింది.