మంగళవారం 02 మార్చి 2021
Warangal-rural - Jan 25, 2021 , 00:17:37

లక్షణంగా వదిలేశారు!

లక్షణంగా వదిలేశారు!

  • మధ్యలోనే ఆగిపోయిన జీపీ భవనాల నిర్మాణం
  • ఎన్‌ఆర్‌ఈజీఎస్‌ నిధులు వృథా
  • చోద్యం చూస్తున్న అధికారులు

నల్లబెల్లి, జనవరి 24: జీపీ భవనాలు నిర్మించేందుకు తెలంగాణ ప్రభుత్వం ఎన్‌ఆర్‌ఈజీఎస్‌ ద్వారా విడుదల చేసిన నిధులు అధికారుల నిర్లక్ష్యంతో వృథా అవుతున్నాయి. కాంట్రాక్టర్లు అర్ధాంతరంగా పనులు నిలిపివేసి నిధులు కాజేసి చేతులు దులుపుకుంటున్నారనే ఆరోపణలు ఉన్నాయి. మండలంలోని గోవిందాపూర్‌, గుండ్లపహాడ్‌, నారక్కపేట, లెంకాలపెల్లి, రేలకుంట, శనిగరం, అర్శనపెల్లితోపాటు మరికొన్ని గ్రామాల్లో భవన నిర్మాణాల కోసం ప్రభుత్వం ఎన్‌ఆర్‌ఈజీఎస్‌ ద్వారా ఒక్కో జీపీకి రూ. 16 లక్షల నిధులు విడుదల చేసింది. ఆ నిధులను గ్రామ పంచాయతీల ఖాతాలో జమ చేసింది. పనులు చేజిక్కించుకున్న కాంట్రాక్టర్లు భవన నిర్మాణ పనులను సగం వరకు చేసి అధికారుల అండతో అందినకాడికి దండుకున్నారనే విమర్శలు ఉన్నాయి. దీంతో జీపీలకు సొంత భవనాలు లేక తీవ్ర ఇబ్బందులు పడుతున్నట్లు ప్రజలు వాపోతున్నారు. గడువులోగా కాంట్రాక్టర్లు పనులు పూర్తి చేయకపోవడంతో ఆ నిధులను వేరే అభివృద్ధి కార్యక్రమాలకు వినియోగిస్తున్నారు. మండలంలో మెజార్టీ గ్రామ పంచాయతీల్లో భవన నిర్మాణాలు మధ్యలోనే నిలిచిపోయినట్లు తెలుస్తున్నది. జిల్లా ఉన్నతాధికారులు స్పందించి అసంపూర్తిగా ఉన్న జీపీ భవనాల పనులను పూర్తి చేయించాలని ప్రజాప్రతినిధులు, ప్రజలు కోరుతున్నారు.

VIDEOS

logo