జన్మభూమినిగూర్చి జనుల క్షేమముగూర్చి
నిరతము శ్రమియించు నృపుడతండు
అన్నదాతల మదినంది పాలనజేయు
రైతుగానుండెడి రాజతండు
పేదప్రజల హృది మోదమ్మునొందగా
వాడవాడన వెల్గు రేడతండు
నాయకోత్తములను నాయకత్వముతోడ
నడపించు చక్కని నాయకుండు
మాటతో తాను జనులకు బాటజూపి
కన్న బిడ్డల తీరుగా మన్ననిచ్చి
ముద్దుగాజూచు మనరాష్ట్ర ముఖ్యమంత్రి
చంద్రశేఖరుడెప్పుడు జయమునొందు!!
–మల్లావఝల చంద్రశేఖర్ శర్మ