అంబేద్కర్‌ జీవిత చరిత్ర పుస్తకాల పంపిణీ

ఐనవోలు : మండలంలోని కక్కిరాలపల్లి గ్రామంలో అంబేద్కర్‌ జీవిత చరిత్ర పుస్తకాలను జైభీం విద్యా ఫౌండేషన్‌ చైర్మన్‌ జన్ను రాజు ఆదివారం పంపిణీ చేశారు. ఈసందర్భంగా ఆయన మాట్లాడారు. భారతదేశంలో ఉన్న మనుస్మృతి, అంటరానితనం, కులవ్యవస్థ నిర్మూలన, మూఢ నమ్మకాలపై జీవితాంతం పోరాటం చేసిన గొప్ప వ్యక్తి అంబేద్కర్‌ అని కొనియాడారు. ఈచైతన్య యాత్రలో 50వేలకు పైగా పుస్తకాలను పంపిణీ చేసినట్లు ఆయన తెలిపారు.  కార్యక్రమంలో స్వేరోస్‌ ఇంటర్నేషనల్‌ వరంగల్‌ అధికార ప్రతినిధి రమేశ్‌, అంబేద్కర్‌ యువజన సంఘం అధ్యక్షుడు కంజర్ల భాస్కర్‌, డేవిడ్‌, అనిల్‌, కుమార్‌, రవి, రాజ్‌కుమార్‌ తదితరులు పాల్గొన్నారు.