ప్రైవేట్‌ దవాఖానల్లో కరోనా చికిత్సకు ఏర్పాట్లు

ఎమ్మెల్యే పెద్ది సుదర్శన్‌ రెడ్డి

నర్సంపేట : పట్టణంలోని ప్రైవేట్‌ ఆస్పత్రుల్లో కరోనాకు చికిత్స అందించేందుకు ఏర్పాట్లు చేస్తున్నామని ఎమ్మెల్యే పెద్ది సుదర్శన్‌రెడ్డి అన్నారు. నర్సంపేట ఐఎంఏ ఆధ్వర్యంలో వైద్యులతో శుక్రవారం అర్ధరాత్రి సమావేశం నిర్వహించారు. నర్సంపేటలో రోజురోజుకు కరోనా వైరస్‌ వ్యాప్తి చెందుతున్న నేపథ్యంలో పాజిటివ్‌ వచ్చిన వారు సుదూర ప్రాంతాలకు వెళ్లకుండా స్థానికంగానే వైద్యం అందించాలని కోరారు. ప్రైవేట్‌ ఆస్పత్రుల నిర్వాహకులు ముందుకు వస్తే అనుమతి ఇస్తామని తెలిపారు. నర్సంపేటలోని పవన్‌ నర్సింగ్‌ హోం వైద్యుడు, ఐఎంఏ అధ్యక్షుడు లెక్కల విద్యాసాగర్‌రెడ్డి ముందుకురాగా, విషయాన్ని ఎమ్మెల్యే కలెక్టర్‌ దృష్టికి తీసుకెళ్లారు. శనివారం జిల్లా వైద్యాధికారి మధుసూదన్‌ పవన్‌ నర్సింగ్‌ హోంను పరిశీలించారు. కరోనా రోగులకు అవసరమైన ఆక్సిజన్‌, వెంటిలేటర్‌ సౌకర్యం ఉన్నట్లు గుర్తించారు.