‘సన్లైట్ను చూసి నేర్చుకుని ఉంటే.. ఫుల్ మూన్ కూల్గా వుండేవాడా.. క్లాస్మేట్ని చూసి నేర్చుకుని వుంటే..ఐన్స్టీన్ సైంటిస్ట్ అయ్యేవాడా..?’ అంటూ పల్లవితో సాగే ‘రంగ్ దే’ చిత్రంలోని పాటను ఇటీవల విడుదల చేశారు. నితిన్, కీర్తిసురేష్ జంటగా నటిస్తున్న ఈ చిత్రానికి వెంకీ అట్లూరి దర్శకుడు. పీడీవీ ప్రసాద్ సమర్పణలో సూర్యదేవర నాగవంశీ ఈ చిత్రాన్ని నిర్మిస్తున్నారు. నిర్మాత చిత్ర విశేషాలను తెలియజేస్తూ ‘నితిన్ పరిచయ గీతంలా వచ్చే ఈ పాటకు శ్రీమణి సాహిత్యం అందించగా, దేవిశ్రీప్రసాద్ స్వరాలు సమాకూర్చారు. డేవిడ్ సీమన్ హుషారుగా ఆలపించే ఈ గీతం అందర్ని అలరించేలా వుంటుంది. ఈ పాటకు శేఖర్ మాస్టర్ నృత్యరీతులు అందించారు. ఈ చిత్రాన్ని మార్చి 26న ప్రపంచవ్యాప్తంగా విడుదల చేయడానికి సన్నాహాలు చేస్తున్నాం’ అన్నారు.