శనివారం 24 అక్టోబర్ 2020
Warangal-city - Jul 18, 2020 , 02:22:32

నేడు ‘డబుల్‌' ఇండ్ల కేటాయింపునకు లాటరీ

నేడు ‘డబుల్‌' ఇండ్ల కేటాయింపునకు లాటరీ

రాయపర్తి, జూలై 17 : మండల కేంద్ర శివారులో నిర్మించిన డబుల్‌ బెడ్‌ రూం ఇండ్లను లాటరీ పద్ధతిలో లబ్ధిదారులకు శనివారం అందజేస్తామని తహసీల్దార్‌ కుసుమ సత్యనారాయణ తెలిపారు. శుక్రవారం తహసీల్దార్‌ కార్యాలయంలో విలేకరులతో మాట్లాడుతూ.. తొలి విడుతగా మండల కేంద్రం లో 50 డబుల్‌ బెడ్‌ రూం ఇండ్ల నిర్మాణం పూర్తి చేయించిట్లు చెప్పారు. వాటిలో 10 ఇండ్లను రిజర్వ్‌లో పెట్టి మిగతావి పం పిణీ చేస్తామన్నారు. ఎంపీడీవో కార్యాలయంలో శనివారం ఉదయం 12 గంటలకు ఎంపీపీ జినుగు అనిమిరెడ్డి, ప్రజా ప్రతినిధుల సమక్షంలో లబ్ధిదారులతో కలసి లాటరీ పద్ధతిలో ఇండ్లను కేటాయిస్తారన్నారు. సమావేశంలో డిప్యూటీ తహసీల్దార్‌ అల్లం రాజ్‌కుమార్‌, గిర్దావర్‌ మల్లయ్య, వీఆర్వోలు చం దర్‌, బైరి అశోక్‌కుమార్‌, నెమ్మది వాసు, బక్కి వెంకటేశ్వర్లు, గొల్ల రాంచంద్రయ్య, యాకాంబ్రం, సూర రాజు, షమీన, ర జిత, యాకయ్య, గోపీసింగ్‌, అరుణ్‌కుమార్‌ పాల్గొన్నారు. 

సత్ప్రవర్తనతో ఉంటే రౌడీషీట్ల తొలగింపునకు కృషి : సీఐ 

  మండలంలో గతంలో రౌడీషీటర్లుగా ముద్రపడిన వ్యక్తులు ఇక నుంచి సత్ప్రవర్తనతో మెలిగినట్లయితే వారిపై ఉన్న రౌడీషీట్లను తొలిగించేందుకు కృషి చేస్తానని సీఐ విశ్వేశ్వర్‌ తెలిపారు. రాయపర్తి ఎస్సై నీలోజు వెంకటేశ్వర్లును కమిషనరేట్‌కు అటాచ్డ్‌ చేస్తూ ఇన్‌చార్జి కమిషనర్‌ ప్రమోద్‌కుమార్‌ గురువారం రాత్రి ఉత్తర్వులు జారీ చేసిన విషయం విదితమే. కాగా, రాయపర్తి పోలీస్‌ స్టేషన్‌ నిర్వహణ బాద్యతలను సీఐ విశ్వేశ్వర్‌కు అప్పగించారు. దీంతో శుక్రవారం సీఐ పోలీస్‌ స్టేషన్‌ను సందర్శించారు. పోలీస్‌ రికార్డుల్లో రౌడీషీటర్లుగా నమోదైన వారికి కౌన్సెలింగ్‌ నిర్వహించారు. అలాగే మాస్కులు లేకుండా బయట తిరిగితే  రూ.1000 జరిమానా విధించడంతోపాటు వాహనాలను సీజ్‌ చేస్తామని హెచ్చరించారు. పోలీస్‌ స్టేషన్‌కు ఫిర్యాదుదారుడు ఒక్కరే రావాలని సూచించారు. సమావేశంలో ఏఎస్సై లింగారెడ్డి, సిబ్బంది ఎడ్ల రవీందర్‌, సురేశ్‌, రమేశ్‌, బొట్ల రాజు, అన్వేశ్‌, పూర్ణచందర్‌రెడ్డి, సోమ్లానాయక్‌ తదితరులు పాల్గొన్నారు. 

గుడుంబా స్థావరాలపై దాడులు

 మండలంలోని జయరాంతండా, బాలునాయక్‌తండా, సన్నూరు, రాయపర్తి, శివారు తండాల్లో ఎక్సైజ్‌ సీఐ కరుణశ్రీ తన సిబ్బందితో కలిసి గుడుంబా స్థావరాలపై దాడులు నిర్వహించారు. జయరాతండా, బాలునాయక్‌ తండాల్లో 10 లీటర్ల గుడుంబా, 50 లీటర్ల బెల్లం పానకాన్ని స్వాధీనం చేసుకున్నట్లు వివరించారు. అనంతరం మండల శివారులో రూట్‌వాచ్‌ చేస్తుండగా జయరాంతండాకు చెందిన లావుడ్య రాజ్‌కుమార్‌, లావుడ్య శ్రీనివాస్‌, వరంగల్‌కు చెందిన రాజు 3 ఫుల్‌ బాటిళ్లు, 8 క్వార్టర్లు, 7 బీర్లు, 5 లీటర్ల గుడుంబా, 30 కేజీల పటిక, 5 క్వింటాళ్ల బెల్లాన్ని వాహనంలో తరలిస్తుండగా పట్టుకున్నామన్నారు. కార్యక్రమంలో ట్రైనీ ఎస్సై మౌనిక, సిబ్బంది వెంకటేశ్‌, శ్రీధర్‌, రాజయ్య, రాజ్‌కుమార్‌, ఇలియాస్‌ పాల్గొన్నారు. 

బాధిత కుటుంబాలకు పరామర్శ

 ఇటీవల మృతిచెందిన మండల కేంద్రంలోని ఎస్సీ కాలనీకి చెందిన అయిత సాయిలు కుటుంబం, మండలంలోని మహబూబ్‌నగర్‌ మాజీ సర్పంచ్‌ గుంటి మల్లేశం కుటుంబ సభ్యులను టీఆర్‌ఎస్‌ జిల్లా నాయకుడు బిల్లా సుధీర్‌రెడ్డి పరామర్శించారు. రెండు కుటుంబాలకు ఆర్థికసాయం అందజేశారు. ఆయన వెంట సర్పంచ్‌ గారె నర్సయ్య, ఎంపీటీసీ అయిత రాంచందర్‌, సంపత్‌కుమార్‌, కుమార్‌, సుధాకర్‌, మల్లేశ్‌ తదితరులు ఉన్నారు.



logo