యష్ పురి, శ్వేతా పరాశర్, అజయ్ కథుర్వార్ ప్రధాన పాత్రల్లో నటిస్తున్న చిత్రం ‘అలాంటి సిత్రాలు’. సుప్రీత్ సి కృష్ణ దర్శకుడు. రాహుల్రెడ్డి నిర్మాత. త్వరలో ప్రేక్షకుల ముందుకురానున్నది. మంగళవారం హైదరాబాద్లో చిత్రబృందం పాత్రికేయుల సమావేశాన్ని నిర్వహించింది. ఈ సందర్భంగా దర్శకుడు మాట్లాడుతూ ‘నాలుగు పాత్రల ప్రధానంగా సాగే అంథాలజీ చిత్రమిది. తమకు నచ్చింది చేయాలనుకునే వారికి సమాజం నుంచి ఎలాంటి అడ్డంకులు ఎదురయ్యాయనేది ఆసక్తిని రేకెత్తిస్తుంది. కొత్తదనాన్ని నమ్మి మేము చేస్తోన్న ఈ ప్రయత్నం ప్రేక్షకుల్ని అలరిస్తుందనే నమ్మకముంది’ అని తెలిపారు. ఇందులో తాను బాక్సర్గా కనిపిస్తానని, రియలిస్టిక్గా తన పాత్ర సాగుతుందని అజయ్ కథుర్వార్ పేర్కొన్నారు. ఇటీవల నిర్మాత దిల్రాజు విడుదలచేసిన టీజర్కు చక్కటి స్పందన లభిస్తోందని నిర్మాత రాహుల్రెడ్డి అన్నారు.