కెరీర్లో ఒక్కటి కూడా కమర్షియల్ బ్లాక్ బస్టర్ లేని దర్శకుడు చంద్రశేఖర్ ఏలేటి. అలాంటి దర్శకుడు చెప్పిన కథ నమ్మి నితిన్ సినిమా చేశాడు. అదే చెక్. ఈ సినిమాతో కచ్చితంగా కమర్షియల్ విజయం అందుకుంటాడు మా దర్శకడు చంద్రశేఖర్ యేలేటి అంటూ చెక్ సినిమా విడుదలకు ముందే నితిన్ చాలా నమ్మకంగా చెప్పాడు. చెక్ సినిమా తర్వాత తమకు మంచి పేరు వస్తుందని నితిన్ చెప్తే.. కాదు ఈ సారి నాకు డబ్బులు కావాలని చెప్పాడు విలక్షణ దర్శకుడు చంద్రశేఖర్ యేలేటి. కానీ ఈ సారి కూడా ఈయన కోరిక నెరవేరలేదు. ఈయన తెరకెక్కించిన చెక్ సినిమా దారుణంగా నిరాశ పరిచింది. చదరంగం నేపథ్యంలో తెరకెక్కిన ఈ సినిమాకు తొలిరోజే నెగిటివ్ టాక్ వచ్చింది. ఫిబ్రవరి 26 న విడుదలైన ఈ సినిమా కథ మూడు రోజుల్లోనే ముగిసిపోయింది. దాంతో ఇటు నిర్మాతకు అటు డిస్ట్రిబ్యూటర్లకు భారీ నష్టాల్ని మిగిల్చింది చెక్. ప్రపంచ వ్యాప్తంగా ఫైనల్ కలెక్షన్స్ రూ.7.97 కోట్లు షేర్ మాత్రమే వచ్చింది. దాంతో నితిన్కు మరో భారీ ఫెయిల్యూర్గా చెక్ నిలవబోతుంది. రూ.17 కోట్ల బిజినెస్ చేసిన ఈ చిత్రం రూ.10 కోట్లకు పైగానే నష్టాలను తీసుకొచ్చింది.
నైజాం: 2.70 కోట్లు
సీడెడ్: 84 లక్షలు
ఉత్తరాంధ్ర: 98 లక్షలు
గుంటూరు: 88 లక్షలు
ఈస్ట్: 35 లక్షలు
వెస్ట్: 56 లక్షలు
కృష్ణా: 46 లక్షలు
నెల్లూరు: 29 లక్షలు