చెన్నై,జూన్ 28: కొంతమంది తమకు నచ్చిన రాజకీయనాయకులు లేదా సినీ నటులపై ఎనలేని అభిమానాన్ని చాటుకుంటూ ఉంటారు. అలా చాటుకునే విధానంలోను ఒక్కొక్కరూ ఒక్కోరకంగా తమ ప్రత్యేకత ద్వారా వారిపై అభిమానాన్ని చాటుకుంటారు. కమల్ హాసన్ అభిమాని, కేరళలోని కోజికోడ్ కు చెందిన నేహా ఫాతిమా తన టాలెంట్ నిరూపించుకుని సరికొత్త ప్రపంచరికార్డ్ ను సొంతం చేసుకున్నది. చుక్కలు, గీతలు లేకుండా కేవలం కమల్ హసన్ పేరు రాస్తూ, ఆయన పోర్ట్రేట్ ను గీసింది. వైట్ చార్ట్ పై రెండు గంటల యాభై నిమిషాల్లో నేహా ఫాతిమా ఆ బొమ్మను గీసింది. ఈ రేఖా చిత్రంతో నేహా ఫాతిమా వరల్డ్ రికార్డ్ బుక్ లో స్థానం సంపాదించింది. ఈ విషయాన్ని కమల్ హాసన్ తన ట్విట్టర్ ద్వారా స్వయంగా అభిమానులకు తెలిపారు.