బుధవారం 27 జనవరి 2021
Wanaparthy - Jan 14, 2021 , 00:35:03

తెలంగాణలో ఉర్దూను రెండో భాషగా గుర్తించాలి

తెలంగాణలో ఉర్దూను రెండో భాషగా గుర్తించాలి

కొత్తకోట, జనవరి 13:  తెలంగాణ రాష్ట్రంలో ఉర్దూను రెండో భాషగా గుర్తించాలని జిల్లా కలెక్టర్‌ యాస్మిన్‌బాషాకు కొత్తకోట పట్టణానికి చెందిన ఎంఐఎం నాయకులు రహీం, ఖదీర్‌ఖాన్‌, ఖలీల్‌, నవీద్‌, ఎజాద్‌ తదితరులు వినతి పత్రం అందజేశారు. బుధవారం కలెక్టర్‌ను కలిసి తెలంగాణ ప్రభుత్వం రాష్ట్రంలో ఉర్దూను రెండో భాషగా ప్రకటించినా ఇది వరకు ప్రభుత్వ కార్యాలయాల్లో తెలుగుతోపాటు ఉర్దూలో కార్యాలయాల పేర్లు రాయాల్సి ఉండగా కొత్తకోట పట్టణంలోని మున్సిపాలిటిలో ఉర్దూలో రాయడం లేదని కలెక్టర్‌ దృష్టికి తీసుకెళ్లారు. ఈ విషయాన్ని మున్సిపల్‌ కమిషనర్‌ శ్రీపాద్‌కు విన్నవించినా స్పందించడం లేదని వారు కలెక్టర్‌కు ఫిర్యాదు చేశారు. తగిన  చర్యలు తీసుకుంటానని కలెక్టర్‌ హామీ ఇచ్చినట్లు తెలిపారు. 


logo