సింహా, లెజెండ్ లాంటి బ్లాక్ బాస్టర్ హిట్స్ తర్వాత బోయపాటి-బాలకృష్ణ కాంబినేషన్ లో వస్తున్న చిత్రం బీబీ3 (వర్కింగ్ టైటిల్). ప్రస్తుతం అన్నపూర్ణ స్టూడియోలోని ఏడెకరాల విస్తీర్ణంలో కీలక సన్నివేశాలను చిత్రీకరిస్తున్నారు. టెంపుల్ బ్యాక్డ్రాప్ సీన్లను షూట్ చేస్తున్నారు. తాజా అప్డేట్ ప్రకారం ఆలయం సెట్ వేసేందుకు మేకర్స్ రూ.30 లక్షలు ఖర్చు చేశారట. 4 రోజుల క్రితమే ఇక్కడ చిత్రీకరణ షురూ కాగా..మార్చి 22 వరకు షూటింగ్ కొనసాగనున్నట్టు టాక్.
స్వల్ప విరామం తర్వాత బాలయ్య అండ్ టీం కర్ణాటకలోని బెల్గాంకు వెళ్తనుంది. అక్కడ బాలయ్య, ఇతర నటీనటులపై వచ్చే భారీ షెడ్యూల్ ను పూర్తి చేయనుంది బోయపాటి టీం. ఈ చిత్రంలో బాలయ్య డ్యుయల్ రోల్లో కనిపించనున్నాడు. పూర్ణ, ప్రగ్యాజైశ్వాల్ ఫీమేల్ లీడ్ రోల్స్ చేస్తున్నారు. మిర్యాల రవీందర్ రెడ్డి నిర్మిస్తున్న ఈ చిత్రానికి ఎస్ థమన్ మ్యూజిక్ డైరెక్టర్.
లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణఆండ్రాయిడ్ యాప్ డౌన్లోడ్ చేసుకోండి.