బుధవారం 05 ఆగస్టు 2020
Vikarabad - Jun 30, 2020 , 23:04:19

పచ్చదనం పెంచడం సామాజిక బాధ్యత

పచ్చదనం పెంచడం సామాజిక బాధ్యత

  • హరితహారంలో అందరూ భాగస్వాములు కావాలి
  • పచ్చదనం పెంచడమే ప్రభుత్వ లక్ష్యం
  • రాష్ట్రంలో 33శాతం అడవులు పెంచేందుకు 
  • అందరూ కృషి చేయాలి
  • మంత్రులు సబితారెడ్డి, సత్యవతి రాథోడ్‌

బండ్లగూడ: రాష్ట్రంలో బడుగు బలహీనవర్గాల బిడ్డలు ఐఏఎస్‌, ఐపీఎస్‌లు కావాలన్నా, జాతీయస్థాయిలో జరిగే పోటీ పరీక్షలో విజయం సాధించేందుకు ముఖ్యమంత్రి కేసీఆర్‌ అని విధాలా చర్యలు తీసుకుంటున్నారని గిరిజనాభివృద్ధి, స్త్రీ శిశు సంక్షేమా శాఖ మంత్రి సత్యవతి రాథోడ్‌ పేర్కొన్నారు. రాజేంద్రనగర్‌ ఐఏఎస్‌ స్టడీ సర్కిల్‌ ఆవరణలో మంగళవారం విద్యాశాఖ మంత్రి సబితారెడ్డి, ఎమ్మెల్యే ప్రకాశ్‌గౌడ్‌తో కలిసి ఆమె మొక్కలు నాటా రు. ఈ సందర్భంగా మంత్రి సత్యవతి రాథోడ్‌ మాట్లాడుతూ రాష్ట్రవ్యాప్తంగా అడువులు అంతరించిపోతున్న తరుణంలో ముఖ్యమంత్రి కేసీఆర్‌ ఆలోచనకు అనుగుణంగా వారి ఆదేశాలతో మొక్కలు నాటుతున్నామన్నారు. రాష్ట్రంలో అడవులను 33శాతం పెంచి పచ్చదనాన్ని, పర్యావరణాన్ని కాపాడేందుకు ప్రభుత్వం చర్యలు తీసుకుందన్నారు. రాష్ట్ర వ్యాప్తంగా ఉన్న గురుకుల పాఠశాలలతోపాటు అన్ని గురుకులాల విద్యాసంస్థలలో నాలుగు లక్షల 60వేల మొక్కలు నాటుతున్నామన్నారు. అనంతరం సబితారెడ్డి మాట్లాడుతూ హరితహారం కార్యక్రమంలో భాగంగా గిరిజనశాఖ ఆధ్వర్యంలో మంగళవారం ఒక్క రోజు గిరిజన విద్యాలయాల్లో నాలుగు లక్షల మొక్కలు నాటేందుకు మంత్రి సత్యవతి రాథోడ్‌ చర్యలు తీసుకోవడం హర్షణీయమన్నారు. రాష్ట్రంలో 233కోట్ల మొక్కలు నాటి 33 శాతం పచ్చదనం పెంచడమే ముఖ్యమంత్రి కేసీఆర్‌ లక్ష్యమన్నారు. కార్యక్రమంలో సాంఘిక గిరిజన గురుకులాల కార్యదర్శి ఆర్‌.ఎస్‌.ప్రవీణ్‌రావు, గిరిజన సంక్షేమశాఖ కమిషనర్‌  కార్యదర్శి క్రిస్టివాజెడ్‌చోంగ్లు, అదనపు సంచాలకులు సర్వేశ్వర్‌రెడ్డి, గిరిజన గురుకులాల ఉప కార్యదర్శి నవీన్‌నికోలస్‌, సీతారాం నాయక్‌, కార్పొరేటర్‌ శ్రీలతమహాత్మ పాల్గొన్నారు. 

పరిగిని హరిత పట్టణంగా మార్చుదాం 

పరిగి: పరిగిని హరిత పట్టణంగా తీర్చిదిద్దుదామని స్థానిక ఎమ్మె ల్యే కొప్పుల మహేశ్‌రెడ్డి పేర్కొన్నారు. మంగళవారం పట్టణంలోని టీచర్స్‌కాలనీలో ఎమ్మెల్యే  మొక్కలు నాటడంతో పాటు పలువురికి మొక్కలు పంపిణీ చేశారు. ఈ సందర్భంగా ఎమ్మెల్యే మాట్లాడుతూ పరిగి పట్టణంలోని ప్రతి రహదారి పక్కన  మొక్క లు నాటడంతోపాటు వాటి సంరక్షణ బాధ్యత దుకాణాల వారికి అప్పగించాలని మున్సిపల్‌ అధికారులకు సూచించారు. కార్యక్రమంలో మున్సిపల్‌ చైర్మన్‌ ముకుంద అశోక్‌, మాజీ ఎంపీపీ కె.శ్రీనివాస్‌రెడ్డి, నార్మాక్స్‌ మాజీ డైరెక్టర్‌ బి.ప్రవీణ్‌కుమార్‌రెడ్డి, మున్సిపల్‌ కమిషనర్‌ ప్రవీణ్‌రెడ్డి, పీఏసీఎస్‌ వైస్‌ చైర్మన్‌ ఎస్‌. భాస్కర్‌, కౌన్సిలర్‌ వారాల రవీంద్ర, టీఆర్‌ఎస్‌ నాయకులు రవికుమార్‌, రాంరెడ్డి, మౌలానా, తాహెర్‌అలీ, కృష్ణ, లక్ష్మి, టీయూటీఎఫ్‌ జిల్లా అధ్యక్షుడు సత్యనారాయణరెడ్డి  పాల్గొన్నారు.  

 రంగాపూర్‌ గ్రామంలో...

 పరిగి మండలం రంగాపూర్‌ గ్రామంలోని అంగన్‌వాడీ కేం ద్రం ఆవరణలో ఎంపీపీ కె.అరవిందరావు మొక్కలు నాటి నీరు పోశారు. నాటిన ప్రతి మొక్కను సంరక్షించాలన్నారు. కార్యక్రమంలో వార్డు సభ్యులు, అంగన్‌వాడీ కార్యకర్త పాల్గొన్నారు. 

పార్కు స్థలంలో విరివిగా నాటండి 

తాండూరు రూరల్‌ : పార్కు స్థలాన్ని చదును చేసి, హరిత హారంలో భాగంగా విరివిగా మొక్కలు నాటాలని అదనపు కలెక్టర్‌ చంద్రయ్య సూచించారు. మంగళవారం మండలంలోని ఖాంజాపూర్‌లో పల్లె పకృతి వనం ఏర్పాటు చేసే స్థలాన్ని, కంపోస్టు షెడ్‌, నీటి కుంటలను పరిశీలించారు. అనంతరం అక్కడే మంకీఫూడ్‌ మొక్కను నాటారు. ఈ  సం దర్భంగా ఆయన మాట్లాడుతూ పల్లె పకృతి వనం ఏర్పాటు చేసే స్థలాన్ని వెంటనే చదును చేయాలన్నారు. డంపింగ్‌ యార్డు పనులు పూర్తి చేసేలా చర్యలు తీసుకోవాలని అధికారులను ఆదేశించారు. హరిత హారంలో భాగంగా గ్రామంలో ఎన్ని మొక్కలు నాటుతున్నారని, ఏపీవో నరోత్తమ్‌రెడ్డిని అడిగి తెలుసుకున్నారు. ఆయన వెంటనే ఎంపీడీవో సుదర్శన్‌రెడ్డి, సర్పంచ్‌ లలిత ఉన్నారు.

44 లక్షల మొక్కలు నాటడమే లక్ష్యం

తాండూరు: అటవీశాతాన్ని పెంచడం కోసం 44 లక్షల మొక్కలు నాటడమే లక్ష్యంగా పెట్టుకున్నట్లు అదనపు కలెక్టర్‌ చంద్రయ్య అన్నారు. మంగళవారం తాండూరు మున్సిపల్‌ పరిధిలోని రాజీవ్‌ కాలనీ, గుమాస్తానగర్‌, ఇతర వార్డుల్లో మున్సిపల్‌ చైర్‌పర్సన్‌ స్వప్న, వైస్‌ చైర్‌పర్సన్‌ దీపతో కలిసి మొక్కలు నాటారు. ఈ సందర్భంగా ఆయన మాట్లాడు తూ జిల్లాలోని గ్రామాలు, పట్టణాలకు సూచించిన విధంగా మొక్కలు నాటి హరితహారాన్ని విజయవంతం చేయాలని కోరారు. నాటిన ప్రతి మొక్కనూ సంరక్షించాల్సిన బాధ్యత అందరిపై ఉందన్నారు. కార్యక్రమంలో కౌన్సిలర్లు విజయాదేవి, రాఘవేందర్‌, వెంకన్నగౌడ్‌, టీఆర్‌ఎస్‌ నేతలు రాజుగౌడ్‌, హరిగౌడ్‌ పాల్గొన్నారు.

మానవాళి మనుగడకు చెట్లే దోహదం 

బంట్వారం :  మానవాళి మనుగడకు చెట్లు దోహదపడుతాయని, మొక్కలు నాటి వాటిని సంరక్షించాల్సిన బాధ్యత ప్రతి ఒక్కరిపై ఉందని జిల్లా ఎస్పీ నారాయణ అన్నారు. మంగళవా రం పోలీస్‌ శాఖ ఆధ్వర్యంలో స్థానిక పోలీస్‌ స్టేషన్‌, పోలీస్‌ క్వాటర్స్‌, ప్రభుత్వ మోడల్‌ స్కూల్‌లో హరితహారంలో భాగం గా 500 మొక్కలు నాటారు. ఈ సందర్భంగా ఆయన మాట్లాడుతూ సీఎం కేసీఆర్‌ ఎంతో ప్రతిష్టాత్మకంగా హరితహారం చేపట్టడం గొప్పవిషయమన్నారు. హరిత హారం విజయవంతం కావడానికి ప్రతి ఒక్కరూ కృషి చేయాలన్నారు. పండ్ల మొక్కల కు కూడా ప్రాధాన్యత ఇవ్వాలని సూచించారు. నేడు కరోనాతో ఆక్సిజన్‌ కొనలేక ఎంతో ఇబ్బందులు పడుతున్నామని, అలాంటిది ఒక మొక్కను పెంచడం వల్ల అది పెద్దదై మన కు ఉచితంగా ఆక్సిజన్‌ను అందజేస్తున్నదని వివరించారు.  పోలీస్‌ క్వాటర్స్‌లో నెలకొన్న సమస్యలను సీఐ రాజశేఖర్‌ను అడిగి తెలుసుకున్నారు. వెంటనే వాటిని వినియోగించుకునేలా నివేదికను పంపాలని చెప్పారు. కార్యక్రమంలో సర్పంచ్‌ లావణ్య, ఎంపీపీ ప్రభాకర్‌, డీఎస్పీ సంజీవ్‌రావు, పీఏసీఎస్‌ వైస్‌ చైర్మన్‌ సుధాకర్‌గౌడ్‌, తాసిల్దార్‌ ప్రేమ్‌కుమార్‌, ఎంపీడీవో అశోక్‌కుమార్‌, టీఆర్‌ఎస్‌ మండల అధ్యక్షుడు శ్రీకాంత్‌రెడ్డి, సర్పంచ్‌ల సం ఘం మండల అధ్యక్షుడు నర్సింహులు ఉన్నారు.

ప్రతి ఒక్కరూ భాగస్వాములు కావాలి 

 కులకచర్ల: హరితహారం కార్యక్రమంలో ప్రతి ఒక్కరూ భాగస్వాములు కావాలని పరిగి ఎమ్మెల్యే కొప్పుల మహేశ్‌రెడ్డి పేర్కొన్నారు. మంగళవారం కులకచర్ల మండల పరిధిలోని చాపలగూడెం, వీరాపూర్‌ గ్రామాల సర్పంచ్‌లు లక్ష్మయ్య, జనార్దన్‌రెడ్డి ఆధ్వర్యంలో హరితహారం కార్యక్రమాన్ని నిర్వహించారు. కార్యక్రమంలో ఎంపీపీ సత్యమ్మహరిశ్చంద్ర, జడ్పీటీసీ రాందాస్‌నాయక్‌, రైతు బంధు సమితి మండల అధ్యక్షుడు పీరంపల్లి రాజు, పీఏసీఎస్‌ వైస్‌ చైర్మన్‌ నాగరాజు పాల్గొన్నారు. 


logo