అర్జంటీనా : సముద్రంలో నీటిమట్టం అంతకంతకూ పెరగడంతో తీరంలో ఉన్న రెండంతస్తుల భవనం పునాదులు దెబ్బతిని సముద్రంలో కుప్పకూలిన ఘటన బ్యునోస్ ఎయిర్స్లో వెలుగుచూసింది. ఈ ఘటనకు సంబంధించి సోషల్ మీడియాలో వైరలవుతున్న వీడియో ఇప్పుడు నెటిజన్లను షాక్కు గురిచేస్తోంది. జులై 28న బ్యునోస్ ఎయిర్స్లోని మర్ దెల్ తుయు ప్రాంతం నుంచి ఈ వీడియోను కెమెరాలో బంధించారు.
సముద్రంలో ఎగిసిపడిన అలలతో ఇంటి ఫౌండేషన్ దెబ్బతిన్న కారణంగా రెండంతస్తుల భవనం సముద్రంలో కూలిందని నిపుణులు చెబుతున్నారు. తీర ప్రాంతం కోతకు గురవుతున్న క్రమంలో ఇలాంటి పరిణామాలు తరచూ చోటుచేసుకుంటున్నాయి. కాగా ఘటన జరిగిన సమయంలో యజమానులు ఇంటిలో లేకపోవడంతో ఎలాంటి ప్రాణ నష్టం వాటిల్లలేదు.