నల్లగొండ : రేపు(శుక్రవారం) జరిగే నకిరేకల్ మున్సిపాలిటీ ఎన్నికల పోలింగ్కు అధికారులు అన్ని ఏర్పాట్లు పూర్తిచేశారు. 20 వార్డులకు గాను 93 అభ్యర్థులు పోటీ చేస్తున్నారు. మొత్తం 21,382 ఓటర్లలో పురుష ఓటర్లు 10,537 కాగా, మహిళా ఓటర్లు 10,845. 40 పోలింగ్ కేంద్రాల్లో ఉదయం 7 గంటల నుండి సాయంత్రం 5 గంటల వరకు పోలింగ్ నిర్వహణ. కొవిడ్ నిబంధనలను అనుసరించి అధికారులు పోలింగ్కు ఏర్పాట్లు చేశారు. ఫేస్ మాస్కు లేకుండా వచ్చే ఓటర్లను పోలింగ్ కేంద్రాల్లోకి అనుమతించరు. 300 మంది ఎన్నికల అధికారులు, 400 మంది పోలీసు సిబ్బంది ఎన్నికల విధుల్లో పాల్గొంటున్నారు.