బుధవారం 25 నవంబర్ 2020
Telangana - Nov 06, 2020 , 18:37:35

నమ్మి వెళ్తే స్నేహితులతో కలిసి లైంగికదాడి చేసి చంపేశాడు..

నమ్మి వెళ్తే స్నేహితులతో కలిసి లైంగికదాడి చేసి చంపేశాడు..

సంగారెడ్డి : జిల్లాలో సంచలనం సృష్టించిన వివాహిత హత్య కేసును పోలీసులు ఛేదించారు. ముగ్గురు ఆమెపై సామూహిక లైంగిక దాడి చేసి హతమార్చినట్లు గుర్తించారు. ఇప్పటికే నిందితులను అరెస్టు చేసినట్లు మాదాపూర్ డీసీపీ వెంకటేశ్వర్లు తెలిపారు. శుక్రవారం సాయంత్రం హైదరాబాద్‌లో డీసీపీ వెంకటేశ్వర్లు కేసు పూర్వాపరాలు వెల్లడించారు. భోజ్య తండాకు చెందిన పత్లోత్ ల‌త‌(30)కు భర్త చనిపోవడంతో ఇద్దరు కూమారులతో అత్తవారింట్లో ఉంటోంది. సోమవారం మధ్యాహ్నం పుట్టింటికి వెళ్తున్నట్లు చెప్పి వెళ్లింది.

మంగ‌ళ‌వారం రాత్రి భోజ్య నాయక్‌ తండాకు చెందిన మధునాయక్‌ ఆమెకు ఫోన్‌ చేసి మియాపూర్‌ చౌరస్తాకు రావాలని కోరాడు. అక్కడి రాగానే మ‌ధు నాయ‌క్‌(భోజ్య తండా), నందు యాద‌వ్‌(కొల్లూరు), కుటుంబ రెడ్డి అనే ముగ్గురు ఆమెను బలవంతంగా కారులో అప‌హ‌రించారు. చందానగర్‌ మీదుగా ఆమెను కొల్లూరుకు తీసుకెళ్లారు. మార్గమ‌ధ్యలో మద్యం తాగించి సమీపంలో ఓ రేకుల షెడ్డు వద్ద సామూహిక లైంగిక‌దాడికి పాల్పడ్డారు. ఈ క్రమంలో ఆమె తలకు బలమైమ గాయం కావడంతో ఆమె మృతి చెందిందని డీసీపీ పేర్కొన్నారు. మధు నాయక్‌కు లతకు పరిచయం ఉండడం వల్లే ఆమె నమ్మి పిలవగానే వచ్చినట్లు చెప్పారు. ముగ్గురి అరెస్టు చేసి రిమాండ్‌కు తరలించామని, నిందితులకు కఠిన శిక్షపడేలా చూస్తామని ఆయన పేర్కొన్నారు. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.