మంగళవారం 26 జనవరి 2021
Telangana - Jan 01, 2021 , 20:20:25

నిర్మల్‌ను పర్యాటక ప్రాంతంగా అభివృద్ధి చేస్తాం

నిర్మల్‌ను పర్యాటక ప్రాంతంగా అభివృద్ధి చేస్తాం

నిర్మల్ అర్బన్ : జిల్లాలో పర్యాటక రంగం అభివృద్ధికి కోట్లాది రూపాయల నిధులను ఖర్చు చేస్తూ నిర్మల్ జిల్లాను మరింత అభివృద్ధి పరుస్తామని దేవాదాయ శాఖ మంత్రి అల్లోల ఇంద్రకరణ్ రెడ్డి తెలిపారు. శుక్రవారం  జిల్లా కేంద్రంలోని శ్యామ్ ఘడ్‌ కోట చుట్టూ మున్సిపల్ నిధులు రూ. 16.50 లక్షలతో ఏర్పాటుచేసిన లైటింగ్‌ను ప్రారంభించారు. ఈ సందర్భంగా ఆయన మాట్లాడుతూ.. 2020 సంవత్సరం కరోనాతో గడిచిపోయిందని 2021 సంవత్సరం ప్రతి ఒక్కరికి కొత్తదనం రావాలని తెలిపారు. 

పురాతన కోటలను అభివృద్ధి పరిచేందుకు పర్యాటక రంగంతో పట్టణాన్ని అభివృద్ధి పరుస్తామ న్నారు. కంచరోని చెరువులో బోటింగ్ సౌకర్యం కల్పించినట్లయితే పట్టణవాసులకు ఆహ్లాద వాతావరణం ఏర్పడుతుందన్నారు. పురాతన సోన్ బ్రిడ్జిని అభివృద్ధి పరిచేందుకు చర్యలు చేపట్టాలని పర్యాటక శాఖ అధికారులకు సూచించారు. కరోనాకారణంగా ఆర్థికంగా నష్టపోయిన  వీధి వ్యాపారులను ఆదుకోవడంలో  నిర్మల్ మున్సిపాలిటీ దేశంలోనే ప్రథమ స్థానంలో నిలవడం సంతోష కారణమన్నారు. ఇందుకు కృషి చేసిన అన్ని శాఖల అధికారులకు అభినందనలు తెలిపారు. అంతకుముందు మంజులాపూర్ కాలనీలో ఏర్పాటు చేసిన హైమాస్ట్ లైట్లు ను ప్రారంభించారు.



logo