ఆదివారం 06 డిసెంబర్ 2020
Telangana - Nov 10, 2020 , 17:35:15

ప్రజా తీర్పును శిరసావహిస్తాం: మంత్రి హరీశ్ రావు

ప్రజా తీర్పును శిరసావహిస్తాం: మంత్రి హరీశ్ రావు

హైదరాబాద్‌ : దుబ్బాక ఉప ఎన్నిక ఓటమికి బాధ్యత వహిస్తున్నాని ఆర్థిక శాఖ మంత్రి హరీశ్ రావు అన్నారు. టీఆర్‌ఎస్‌కు ఓటు వేసిన దుబ్బాక ప్రజలకు మంత్రి ధన్యవాదాలు తెలిపారు. ఈ సందర్భంగా మంత్రి మాట్లాడుతూ.. ఎన్నికల్లో కష్ట పడ్డ ప్రతి ఒక్క కార్యకర్తకు కృతజ్ఞతలు. దుబ్బాక ఓటమికి గల కారణాలు పూర్తి స్థాయిలో  సమీక్షించుకుంటామన్నారు. మా లోపాలను సవరించుకుంటాం. దుబ్బాక ప్రజలకు సహాయ సహకారాలు అందిస్తూ నిరంతరం అందుబాటులో ఉంటామని పేర్కొన్నారు.

ఓడిపోయిప్పటికి దుబ్బాక ప్రజలకు  టీఆర్‌ఎస్‌ పక్షాన, నా పక్షాన కష్ట సుఖాల్లో  తోడుగా ఉంటామని పేర్కొన్నారు. సీఎం కేసీఆర్ నేతృత్వంలో దుబ్బాక నియోజకవర్గ అభివృద్ధికి, ప్రజలకు, కార్యకర్తలకు,  అన్నివిధాల సహాయ సహకారాలు అందిస్తూ టీఆర్‌ఎస్‌ ఎప్పుడు ప్రజల సంక్షేమానికి కృషి చేస్తుందని మంత్రి తెలిపారు.