ఆదివారం 29 మార్చి 2020
Telangana - Mar 20, 2020 , 16:53:11

తెలంగాణలో ఎవరికీ కరోనా రాలేదు

తెలంగాణలో ఎవరికీ కరోనా రాలేదు

హైదరాబాద్‌: కరోనా వైరస్‌ వ్యాప్తి నివారణకు చర్యలు తీసుకుంటున్నామని మంత్రి ఈటెల రాజేందర్‌ తెలిపారు. ముందస్తు చర్యలతోనే కరోనా ప్రబలకుండా నియంత్రించామన్నారు.  కోఠిలోని కమాండ్‌ కంట్రోల్‌ సెంటర్‌లో వైద్య ఆరోగ్యశాఖ అధికారులు, ఇండియన్‌ మెడికల్‌ అసోసియేషన్‌ సహా వివిధ వైద్య సంఘాల ప్రతినిధులతో మంత్రి సమీక్ష నిర్వహించారు. అనంతరం మంత్రి మాట్లాడుతూ..

కరోనా విషయంలో రాష్ట్రం తీసుకున్న చర్యలను కేంద్రం ప్రశంసించింది. తెలంగాణలో ఎవరికీ కరోనా రాలేదు. విదేశాల నుంచి వచ్చిన వారికే కరోనా లక్షణాలు ఉన్నాయి. కరోనా వైద్యులు ప్రజలకు అవగాహన కల్పించాలి. అధిక ఉష్ణోగ్రతల ప్రదేశంలో కరోనా బతకదని నిపుణులు చెబుతున్నారు.  లండన్‌ నుంచి వచ్చిన ఇద్దరికి కరోనా పాజిటివ్‌ ఉన్నట్లు తేలిందని తెలిపారు.

కరోనా నుంచి కోలుకున్న ఒకరిని వైద్యులు డిశ్చార్జి చేశారు.  18కేసుల్లో ఎవరికీ ప్రాణాపాయం లేదు. ఇప్పటి వరకు రాష్ట్రంలో నివసిస్తున్న ఎవరికీ కరోనా సోకలేదు. విదేశాల నుంచి వచ్చిన వారే కరోనా బారిన పడ్డారు. ఇప్పుడు చికిత్స పొందుతున్న వారిలో నలుగురు రెండు రోజుల్లో డిశ్చార్జి అవుతారు.  బాధితుల కుటుంబ సభ్యులకు చికిత్స అందిస్తున్న ఎవరికీ కరోనా వ్యాప్తి చెందలేదు. అన్నింటికంటే నివారణ చర్యలే ముఖ్యం.   బాధితుల సంఖ్య పెరిగితే ఏం చేయాలో కూడా మేం ఆలోచించాం. వేలమంది క్వారంటైన్‌ చేయగలిగేలా సన్నద్ధం అయ్యాం. ప్రస్తుతం ఆరు కేంద్రాల్లో కరోనా పరీక్షలు చేసే అవకాశం లభించిందని మంత్రి వివరించారు. 


logo