మంగళవారం 29 సెప్టెంబర్ 2020
Telangana - Aug 30, 2020 , 18:46:22

వైల్డ్ లైఫ్ ఫొటోగ్రఫీలో తెలంగాణకు రెండు అవార్డులు

 వైల్డ్ లైఫ్ ఫొటోగ్రఫీలో తెలంగాణకు రెండు అవార్డులు

నిర్మల్ : వైల్డ్ లైఫ్ కన్జర్వేషన్ సొసైటీ ఆఫ్ ఇండియా (WCS)  నిర్వహించిన జాతీయ స్థాయి ఫొటోగ్రఫీ అవార్డుల్లో తెలంగాణకు రెండు అవార్డులు దక్కాయి.  ప్రపంచ ఫొటోగ్రఫీ దినోత్సవం సందర్భంగా నిర్వహించిన పోటీల్లో సెకండ్, థర్డ్ ప్లేస్ ల్లో అవార్డులను తెలంగాణ అటవీ శాఖ అధికారులు సాధించారు. 

అదిలాబాద్ ఫారెస్ట్ డివిజనల్ ఆఫీసర్ గా పనిచేస్తున్న చంద్రశేఖర రావు, తెలంగాణ, మహారాష్ట్ర సరిహద్దుల్లో ఉన్న తిప్పేశ్వర్ అభయారణ్యంలో తీసిన రాయల్ బెంగాల్ టైగర్ ఫొటో కు బెస్ట్ సెకండ్ ప్లేస్ విన్నర్ గాను, జన్నారం డివిజనల్ అధికారిగా ఉన్నసిరిపురపు మాధవరావు కవ్వాల్ అభయారణ్యలో తీసిన అరుదైన జాతికి చెందిన గద్ద ఫోటోకు (క్రెస్టెడ్ హాక్ ఈగల్ ) మూడో స్థానం దక్కింది.  

బెస్ట్ ఫోటోగ్రఫీ అవార్డులను సాధించిన ఇద్దరు అధికారులను అటవీ శాఖ మంత్రి అల్లోల ఇంద్రకరణ్ రెడ్డి, అటవీ సంరక్షణ ప్రధాన అధికారి (పిసిసిఎఫ్) ఆర్. శోభ, ఇతర ఉన్నతాధికారులు అభినందించారు. దేశ వ్యాప్తంగా అవార్డులు సాధించిన ఫొటోలను వైల్డ్ లైఫ్ కన్జర్వేషన్ సొసైటీ తమ వెబ్ సైట్ లోనూ, సోషల్ మీడియా పేజీల్లోనూ ప్రదర్శిస్తోంది. 




logo