కరోనా విజృంభిస్తున్న వేళ సామాన్యులు, సెలబ్రిటీలు అనే తేడా లేకుండా ఉదారత చాటుకుంటున్నారు. తమకు తోచినంత సాయం చేస్తూ పేదలకు అండగా నిలబడుతున్నారు. సోనూసూద్, నిఖిల్, చిరంజీవి వంటి వారైతే ఆపదలో ఉన్నారని తెలిస్తే వెంటనే స్పందించి తగు సాయం చేస్తూ వస్తున్నారు. తాజాగా కమెడీయన్ అలీ కూడా తన వంతు సాయం చేశారు.
కరోనా వలన లాక్డౌన్ ప్రకటించడంతో సినిమా రంగానికి చెందిన చాలా మంది ఇబ్బంది పడుతున్నారు. ఈ పరిస్థితులని గమనించిన అలీ తెలుగు సినిమా ఉమెన్ ప్రొడక్షన్ యూనియన్కు సంబంధించిన 130 మంది మహిళలకు తన భార్య జుబేదా చేతుల మీదుగా నిత్యావసర సరుకులు సాయంగా అందించారు. మా కన్నా ముందే లొకేషన్లో ఉండే లేడీస్ సెట్లో అందరు తినే ప్లేట్స్, కప్పులు శుభ్రం చేస్తుంటారు. లాక్డౌస్ వలన వారు ఇబ్బందుల్లో ఉన్నారని తెలిసి , రూ. 2 లక్షలతో సాయం చేయాలని నిర్ణయించుకున్నానని అలీ చెప్పారు.