ఆదివారం 09 ఆగస్టు 2020
Telangana - Jul 29, 2020 , 22:30:23

కొత్త సెక్రటేరియట్‌లో సకల సౌకర్యాలుండాలి: సీఎం కేసీఆర్‌

కొత్త సెక్రటేరియట్‌లో సకల సౌకర్యాలుండాలి: సీఎం కేసీఆర్‌

హైదరాబాద్‌: నూతనంగా నిర్మిస్తున్న సెక్రటేరియట్‌లో సకల సౌకర్యాలుండాలని సీఎం కేసీఆర్‌ అధికారులకు సూచించారు. కొత్త సెక్రటేరియట్ భవన నిర్మాణంపై ముఖ్యమంత్రి బుధవారం ప్రగతి భవన్ లో సమీక్ష నిర్వహించారు. నూతన సెక్రటేరియట్ నిర్మాణానికి సంబంధించిన డిజైన్లను  పరిశీలించారు. వీటిలో పలు మార్పులను సూచించారు. సెక్రటేరియట్ లో అందరూ పని చేసుకోవడానికి అనుకూలంగా అన్ని సౌకర్యాలుండేలా చూడాలని ఆదేశించారు.

మంత్రులు, ప్రభుత్వ ప్రధాన కార్యదర్శి, కార్యదర్శులు, సలహాదారుల చాంబర్స్ కూడా అన్ని సౌకర్యాలతో ఉండాలన్నారు. ప్రతి అంతస్తులో భోజనం చేసేందుకు డైనింగ్ హాలు, మీటింగ్ హాలు, సందర్శకుల కోసం వెయిటింగ్ హాలు, వాహనాలకు పార్కింగ్ సౌకర్యం ఉండేలా నిర్మాణం ఉండాలని సీఎం సూచించారు.ఈ సమావేశంలో మంత్రులు వేముల ప్రశాంత్ రెడ్డి, పువ్వాడ అజయ్ కుమార్, ప్రభుత్వ ముఖ్య సలహాదారు రాజీవ్ శర్మ, సీఎస్  సోమేశ్ కుమార్, సీఎంఓ అధికారులు, తదితరులు పాల్గొనారు.



లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo