న్యూఢిల్లీ: దాదాపు రెండు దశాబ్దాల క్రితం వరకు బజాజ్ చేతక్ స్కూటర్ అంటే ప్రజలు ఎంతో ఇష్ట పడే వారు.. అయితే, టెక్నాలజీ అందుబాటులోకి రావడంతోపాటు వివిధ ద్విచక్ర వాహనాల సంస్థలు పలు మోడల్ వెహికల్స్ను ఆవిష్కరించాయి. దీంతో బజాజ్ చేతక్ స్కూటర్ మరుగున పడిపోయింది.. కానీ దాన్ని రీ మోడల్ చేసిన బజాజ్ ఆటో.. ఎలక్ట్రిక్ స్కూటర్గా ఆవిష్కరించింది.
అయితే కేవలం నెల రోజుల్లోనే బజాజ్ చేతక్ ఎలక్ట్రిక్ స్కూటర్ ధర మళ్లీ పెంచేసింది బజాజ్ ఆటో. దీంతో బజాజ్ చేతక్ ఎలక్ట్రిక్ స్కూటర్ కొనుగోలు చేయాలంటే మీరు అదనంగా రూ.28 వేలు ఖర్చు చేయాల్సిందే.
బజాజ్ చేతక్ స్కూటర్ను ప్రీమియం, అర్బన్ వేరియంట్లలో బజాజ్ ఆటో ఆవిష్కరించింది. ఇప్పుడు పెరగిన ధరతో అర్బన్ వేరియంట్ స్కూటర్ ధర రూ.27,620, ప్రీమియం వేరియంట్ రూ.24,620 పెరిగింది. నెల రోజుల క్రితమే దీని ధర బజాజ్ ఆటో రూ.5000 పెంచేసింది.
బజాజ్ చేతక్ ఎలక్ట్రిక్ ప్రీమియం వేరియంట్ పాత ధర రూ.1.20 లక్షలు ఉంటే, సవరించిన ధరల ప్రకారం రూ.1.45 లక్షలకు చేరుకున్నది. అర్బన్ వేరియంట్ స్కూటర్ ధర రూ.1.15 లక్షల నుంచి రూ.1.43 లక్షలకు చేరుకుంది. గంటకు 95 కిలోమీటర్ల వేగంతో దూసుకెళ్లడం దీని స్పెషాలిటీ.
మూడు కిలోవాట్ల లిథియం అయాన్ బ్యాటరీతో 3.8 కిలోవాట్ల ఎలక్ట్రిక్ మోటార్ను అనుసంధానించారు. దీని గరిష్ఠ ఇంధన సామర్థ్యం 5.5 పీఎస్. ఎకో మోడల్ చేతక్ 95 కిలోమీటర్లు, స్పోర్ట్ మోడ్ స్కూటర్ 85 కి.మీ వేగంతో దూసుకెళ్తుంది.
దీన్నిచార్జింగ్ చేయడానికి ఐదు గంటల టైం పడుతుంది. బ్యాటరీపై మూడేండ్లు లేదా 50 వేల కి.మీ. వరకు వారంటీని ఇస్తున్నది బజాజ్ ఆటో.
స్మార్ట్గా దోపిడీ.. రూ.5 లక్షలు చోరీ
బ్యాంక్ అలర్ట్ : ఆదివారం ఆర్టీజీఎస్ సేవలకు బ్రేక్!
ఈనెల 30 వరకు గురుకులసెట్ దరఖాస్తులు
చౌక వడ్డీకే బంగారం లోన్.. ఈ బ్యాంకుల్లోనే..!
వాట్సాప్ లో ఈ తప్పులు అస్సలు చేయొద్దు