బెంగళూర్ : కర్ణాటక రాజకీయాలను కుదిపివేసిన రాసలీలల సీడీ వ్యవహారంలో బీజేపీ ఎమ్మెల్యే రమేష్ జర్కిహోలిపై లైంగిక దాడి కేసు నమోదు చేయాలని విపక్ష కాంగ్రెస్ నేత సిద్ధరామయ్య డిమాండ్ చేశారు. మహిళను ఉద్యోగం పేరుతో లోబరుచుకున్నారనే ఆరోపణలతో సీడీ వెలుగుచూడటంతో బీఎస్ యడ్యూరప్ప కేబినెట్ నుంచి రమేష్ జర్కిహోలి రాజీనామా చేసిన సంగతి తెలిసిందే.
మహిళతో పార్టీ నేతలను ఉద్దేశించి ఆయన చేసినట్టు చెబుతున్న వ్యాఖ్యలు దుమారం రేపాయి. ప్రభుత్వ ఉద్యోగం కోసం తనకు దగ్గరకావాలని మహిళను జర్కిహోలి కోరుతున్న వీడియో వైరల్గా మారింది. మంత్రి రాసలీలల వీడియో వ్యవహారం కర్ణాటక రాజకీయాల్లో కలకలం రేపింది.