తీరు మార్చుకోకపోతే ప్రజలు తరిమికొడుతరు
చొప్పదండి ఎమ్మెల్యే సుంకె రవిశంకర్ ధ్వజం
రాష్ట్రం, కేంద్రం ఇచ్చిన ఉద్యోగాలపై బహిరంగ చర్చకు సిద్ధమని సవాల్
కరీంనగర్ కార్పొరేషన్, ఏప్రిల్ 3 : టీఆర్ఎస్ అధినేత, సీఎం కేసీఆర్, మంత్రి కేటీఆర్, రాష్ట్ర ప్రణాళికా సంఘం ఉపాధ్యక్షుడు వినోద్కుమార్పై మాజీ ఎమ్మెల్యే బొడిగే శోభ ఇష్టం వచ్చినట్లు వ్యాఖ్యలు చేస్తే నాడు పూలహారాలు వేసిన చొప్పదండి నియోజకవర్గ ప్రజలే తన్ని తరిమికొడతారని చొప్పదండి ఎమ్మెల్యే సుంకె రవిశంకర్ హెచ్చరించారు. ఎక్కడో ఉన్న సామాన్య కార్యకర్తను చొప్పదండికి తీసుకువచ్చి ఎమ్మెల్యేను చేసిన సీఎం కేసీఆర్పై అడ్డగోలుగా మాట్లాడితే నాలుక చీరేస్తారని హెచ్చరించారు. ఈ మేరకు శనివారం కరీంనగర్లోని ఆర్అండ్బీ గెస్ట్హౌస్లో ఏర్పాటు చేసిన విలేకరుల సమావేశంలో ఆయన మాట్లాడారు. కుక్కలు మెరుగుతుంటాయి వాటికి స్పందించాల్సినా అవసరం లేదని తాము ఇన్నాళ్లూ ఓపికగా ఉన్నామని, కానీ అదే తీరులో ఇష్టారీతిగా వ్యాఖ్యలు చేస్తే చూస్తూ ఊరుకునే ప్రసక్తే లేదని హెచ్చరించారు. 2000 సంవత్సరానికి ముందు ఆమె పరిస్థితి ఏంటో గుర్తు చేసుకోవాలన్నారు. ఓ దళిత మహిళను తన కూతురిలా దగ్గరకు తీసి జడ్పీటీసీగా గెలిపించి.
చొప్పదండి నియోజకవర్గ బాధ్యతలు అప్పగించి, 2014లో ఎమ్మెల్యేగా గెలిపించిన ఘనత సీఎం కేసీఆర్దేనని గుర్తు చేశారు. గత ఎన్నికల్లో మరో పార్టీ నుంచి పోటీ చేస్తే కనీసం డిపాజిట్ కూడా రాలేదని గుర్తు చేశారు. ప్రమాణస్వీకారం కూడా చూసి చదవలేని దద్దమ్మ అని, అలాంటి వ్యక్తికి సీఎం కేసీఆర్ను విమర్శించే స్థాయి లేదని మండిపడ్డారు. ఆమె చీకటి భాగోతం ఇప్పితే తలకాయ ఎక్కడ పెట్టుకుంటుందోనని, ఇష్టం వచ్చినట్లుగా మాట్లాడితే ఖబడ్దార్ అని హెచ్చరించారు. వచ్చే ఎన్నికల్లో తనకు టికెట్టు ఇవ్వరన్న భయంతోనే ముందస్తుగా బీజేపీ నాయకత్వాన్ని బెదిరించేందుకు కేసీఆర్పై ఇష్టారీతిగా వ్యాఖ్యలు చేస్తుందని విమర్శించారు. దళిత జాతికే తలవంపులు తెచ్చేలా ఆమె ప్రవర్తన ఉందని పేర్కొన్నారు. తాము రాష్ట్రంలో ఎన్ని ఉద్యోగాలు ఇచ్చామో లెక్కలతో సహా వస్తామని, ఏటా కోటి ఉద్యోగాలు ఇస్తామన్న కేంద్ర ప్రభుత్వం ఎన్ని ఇచ్చిందో లెక్కలతో తెలంగాణ చౌక్కు రావాలని సవాల్ చేశారు. సమావేశంలో టీఆర్ఎస్ నాయకులు వీర్ల వెంకటేశ్వర్రావు, చొప్పదండి జడ్పీటీసీ మాచర్ల సౌజన్య, ఇతర నాయకులు వినయ్, ఆరెల్లి చంద్రశేఖర్గౌడ్, బందారపు అజయ్, శేఖర్, యశోద రాజయ్య, వెంకటరమణారెడ్డి, గడ్డం చుక్కారెడ్డి, తదితరులు పాల్గొన్నారు.
ఇవి కూడా చూడండి..
కాంగ్రెస్ పార్టీకి మరోపేరు మోసం: జేపీ నడ్డా
సన్యాసం స్వీకరించిన మాజీ ఎమ్మెల్యే..!