మంగళవారం 02 మార్చి 2021
Telangana - Jan 17, 2021 , 02:02:39

వాటర్‌ట్యాంక్‌లో అస్థిపంజరాలు

వాటర్‌ట్యాంక్‌లో అస్థిపంజరాలు

  • దుర్వాసన రావడంతో వెలుగులోకి
  • పిల్లలవని స్థానికుల అనుమానం
  • కోతులవి కావొచ్చు: సీఐ

నర్మెట, జనవరి 16: జనగామ జిల్లా నర్మెటలో వినియోగంలో లేని ఓ వాటర్‌ ట్యాంక్‌లో రెండు అస్థి పంజరాలు వెలుగుచూడటం కలకలం రేపింది. నర్మెట మండలకేంద్రం నుంచి జనగామ వెళ్లే దారిలో ఉపాధి హామీ పథకం కింద ఓ వ్యవసాయ కేంద్రంలో నర్సరీ ఉండేది. కొన్నేళ్లుగా దీని నిర్వహణ సరిగా లేకపోవడంతో నర్సరీ కోసం ఏర్పాటుచేసిన వాటర్‌ ట్యాంక్‌ను నిరుపయోగంగా వదిలేశారు. శుక్రవారం కొందరు పిల్లలు పతంగులు  ఎగరేసుకుంటూ ట్యాంకు వైపు వెళ్లగా దుర్వాసన రావడంతో వెంటనే స్థానికులకు చెప్పారు. వారు పోలీసుల దృష్టికి తీసుకెళ్లారు. సీఐ రాపెల్లి సంతోష్‌కుమార్‌ వెళ్లి అస్థి పంజరాలను పరిశీలించారు. వాటర్‌ ట్యాంక్‌ చాలా ఎత్తులో ఉండటం వల్ల కోతులు ఆడుకుంటూ అందులో పడి చనిపోయి ఉంటాయని భావిస్తున్నామని తెలిపారు. కాగా, ఇద్దరు చిన్నారులను చంపేసి అందులో పడేసి ఉంటారని స్థానికులు అనుమానిస్తున్నారు. 

VIDEOS

logo