సోమవారం 08 మార్చి 2021
Telangana - Jan 23, 2021 , 20:28:02

నందిగామ పంచాయతీ కార్యదర్శి, ఏపీఎం సస్పెండ్‌

నందిగామ పంచాయతీ కార్యదర్శి, ఏపీఎం సస్పెండ్‌

సంగారెడ్డి : జిల్లాలోని పటాన్‌చెరు మండలం నందిగామ గ్రామ పంచాయతీ కార్యదర్శి, అసిస్టెంట్‌ ప్రాజెక్టు మేనేజర్‌(ఏపీఎం)ను విధుల నుంచి సస్పెండ్‌ చేస్తూ జిల్లా సంగారెడ్డి జిల్లా కలెక్టర్‌ ఎం.హనుమంతరావు శనివారం ఆదేశాలు జారీచేశారు. గ్రామంలో తడి, పొడి చెత్తను వేరు చేయడంలో నిర్లక్ష్యం వహించినందుకుగాను కలెక్టర్‌ చర్యలకు ఉపక్రమించారు. అదేవిధంగా పటాన్‌చెరు ఎంపీవోకు షోకాజ్‌ నోటీసు జారీచేశారు. నందిగామలో నూతనంగా నిర్మించిన రైతు వేదికను ప్రారంభించేందుకు రాష్ట్ర ఆర్థికశాఖ మంత్రి హరీశ్‌రావు శనివారం గ్రామానికి విచ్చేశారు. ఈ సందర్భంగా తడి, పొడి చెత్త ఒకే యార్డ్‌లో ఉండటాన్ని గమనించి అధికారులను హెచ్చరించారు. ఇటువంటి చర్యలను ఉపేక్షించేది లేదన్నారు. మంత్రి హెచ్చరికల నేపథ్యంలో ముగ్గురు అధికారులపై కలెక్టర్‌ చర్యలకు ఉపక్రమించారు. 

VIDEOS

logo