గురువారం 21 జనవరి 2021
Telangana - Nov 23, 2020 , 21:39:55

‘టీఆర్‌ఎస్‌ అభివృద్ధికి కష్టపడే వారికి గుర్తింపు’

‘టీఆర్‌ఎస్‌ అభివృద్ధికి కష్టపడే వారికి గుర్తింపు’

హైదరాబాద్‌ :  టీఆర్‌ఎస్‌ అభివృద్ధి కోసం కష్టపడి పనిచేసే వారికి తప్పక గుర్తింపు ఉంటుందని మంత్రి కేటీఆర్‌ అన్నారు. ఉప్పల్ నియోజకవర్గం లోని చిల్కానగర్ డివిజన్ నుంచి నామినేషన్లు వేసి పలువురు టీఆర్‌ఎస్‌ రెబల్‌ అభ్యర్థులు మంత్రి సత్యవతి రాథోడ్‌ ఆధ్వర్యంలో సోమవారం మంత్రి కేటీఆర్‌ను కలిశారు. మంత్రి కేటీఆర్ వారితో ప్రత్యేకంగా మాట్లాడారు. పార్టీ కోసం కష్టపడే వారికి, కష్ట పడిన వారికి తప్పక గుర్తింపు ఉంటుందని హామీ ఇచ్చారు. కేటీఆర్‌ హామీతో సంతోషం వ్యక్తం చేసిన వారు టీఆర్ఎస్ అభ్యర్థి  గీతా ప్రవీణ్ ముదిరాజ్ విజయానికి కృషి చేస్తామని అన్నారు. ఈ సందర్భంగా మంత్రి సత్యవతి రాథోడ్‌కు ధన్యవాదాలు తెలిపారు. రేపటి నుంచి డివిజన్‌లో ప్రచారాన్ని ఉద్ధృతం చేస్తామని చెప్పారు.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo