మంగళవారం 14 జూలై 2020
Telangana - Jun 07, 2020 , 08:10:24

సోమవారం నాటికి అల్పపీడనం ఏర్పడే అవకాశం

సోమవారం నాటికి అల్పపీడనం ఏర్పడే అవకాశం

హైదరాబాద్‌: తూర్పు విదర్భ, దాని పరిసర ప్రాంతాల్లో 0.9 కిలోమీటర్ల ఎత్తువరకు ఉపరితల ఆవర్తనం ఏర్పడింది. మరోవైపు, తూర్పుమధ్య బంగాళాఖాతంలో సోమవారం నాటికి అల్పపీడనం ఏర్పడే అవకాశం ఉన్నది. వీటి ప్రభావం తో ఆది, సోమవారాల్లో రాష్ట్రంలో అక్కడక్కడ తేలికపాటి నుంచి ఓ మోస్తరు వర్షాలు కురువొచ్చని హైదరాబాద్‌ వాతావరణ కేంద్రం తెలిపింది. పలుచోట్ల ఉరుములు, మెరుపులతో కూడిన వానలు పడుతాయని పేర్కొన్నది. నైరుతి రుతుపవనాలు చురుకుగా కదులుతున్నాయి. వచ్చే మూడ్రోజుల్లో కర్ణాటకలోని మరికొన్ని ప్రాంతాలు, తమిళనాడులోని మొత్తం ప్రాంతాలు, రాయలసీమ, కోస్తాంధ్రలోని కొన్ని ప్రాంతాలకు రుతుపవనాలు విస్తరించే అవకాశం ఉన్నదని వాతావరణ కేంద్రం అధికారి రాజారావు తెలిపారు.  


logo