మాంట్రియల్ : కెనడాలో ఆస్ట్రాజెనెకా వ్యాక్సిన్ తీసుకున్న ఓ మహిళ మృతి చెందింది. వ్యాక్సిన్తో ముడిపడి ఉన్న మొదటి మరణం ఇదేనని ప్రాంతీయ అధికారులు మంగళవారం ప్రకటించారు. 54 ఏళ్ల మహిళ వ్యాక్సిన్ తీసుకున్న తర్వాత మరణించడంపై క్యూబెక్ ప్రీమియర్ ఫ్రాంకోయిన్ లెగాల్ట్ విచారం వ్యక్తం చేశారు. ప్రావిన్స్ చీఫ్ పబ్లిక్ హెల్త్ ఆఫీసర్ హోరాసియో అర్రుడ మాట్లాడుతూ ఆమె ప్రాణాలు కాపాడేందుకు అవసరమైన చికిత్సలు చేసినా.. కాపాడలేకపోయామన్నారు. మహిళ సెరిబ్రల్ థ్రోబోసిస్తో మరణించిందని చెప్పారు.
అయితే, 45 ఏళ్లు పైబడిన వారికి వ్యాక్సిన్ను ఉపయోగించాలన్న ప్రభుత్వ సిఫారసులను మార్చవద్దని సూచించారు. తీవ్రమైన సమస్యల గురించి తమకు తెలుసునని, ఇప్పటి వరకు నాలుగు లక్షలకుపైగా ఆస్ట్రాజెనెకా టీకాలు వేసినట్లు గుర్తుంచుకోవాలని ఆరోగ్యమంత్రి క్రిస్టియన్ డ్యూబ్ పేర్కొన్నారు. తక్కువ ప్లేట్లెట్స్తో సంబంధం ఉన్న రక్త గడ్డకట్టిన కేసులు మరో నాలుగు దేశంలో నమోదయ్యాయని, వారంతా కోలుకున్నారని తెలిపారు. ఇదిలా ఉండగా గత శుక్రవారం కెనడా ప్రధాని జస్టిన్ ట్రూడో సైతం ఆస్ట్రాజెనెకా వ్యాక్సిన్ తీసుకున్న విషయం తెలిసిందే.