హైదరాబాద్ : హైదరాబాద్లోని ఎల్బీ నగర్లో భారీ వర్షం కురుస్తోంది. ఈదురుగాలులు, ఉరుములు, మెరుపులతో కూడిన వర్షం కురుస్తుండటంతో స్థానికులు తీవ్ర భయాందోళనకు గురవుతున్నారు. ఎల్బీనగర్తో పాటు నగరమంతా వాన కురుస్తోంది. ఉదయం నుంచి ఎండ బాగానే ఉన్నప్పటికీ, మధ్యాహ్నం సమయానికి కాస్త వాతావరణం మారిపోయింది. లింగంపల్లి, చందానగర్, మియాపూర్, కొండాపూర్, మాదాపూర్, గచ్చిబౌలితో పాటు పలు ప్రాంతాల్లో వర్షం పడుతోంది. భారీ ఈదురుగాలులు వీస్తుండటంతో కరెంట్ సరఫరాకు అంతరాయం ఏర్పడింది. ఇక రాష్ర్ట వ్యాప్తంగా అక్కడక్కడ వర్షాలు కురుస్తున్నాయి. భారీ ఈదురుగాలులు వీస్తున్నాయి.