సూపర్స్టార్ రజనీకాంత్ నటిస్తున్న తాజా చిత్రం అన్నాత్తె. లాక్డౌన్ వలన నిలిచిపోయిన చిత్ర షూటింగ్ గత ఏడాది డిసెంబర్లో తిరిగి మొదలైంది. అయితే రజనీకాంత్ అస్వస్థతకు గురి కావడంతో ఆయనను వెంటనే ఆసుపత్రిలో చేర్పించారు. రక్తపోటులో హెచ్చుతగ్గుల వలన రజనీకాంత్కు చికిత్స చేసిన వైద్యులు కొన్ని నెలల పాటు విశ్రాంతి అవసరమని సూచించారు. దీంతో అన్నాత్తె షూటింగ్ ఆగిపోయింది. నవంబర్ 4న చిత్ర రిలీజ్ డేట్ ప్రకటించడంతో నిర్మాతలో గుబులు మొదలైంది.
తాజాగా అన్నాత్తె షూటింగ్ చెన్నైలో మొదలైనట్టు తెలుస్తుంది. దర్శకుడు శివ .. రజనీకాంత్, నయనతారపై ప్రత్యేక సన్నివేశాలను చిత్రీకరించనున్నట్టు సమాచారం. సెట్లోనే వైద్యులు ఉండేలా ఏర్పాటు చేసిన చిత్ర బృందం ముందుగా రజనీకాంత్కు సంబంధించిన సన్నివేశాలను షూట్ చేయనుందట. ఇందులో ప్రకాశ్రాజ్, సురేశ్, ఖుష్బూ సుందర్, మీన, నయనతార, కీర్తి సురేశ్ కూడా కీలక పాత్రలు పోషించనున్నారు. ఇమ్మాన్ సంగీతం అందిస్తున్నారు. జగపతిబాబు ఒక కీలకపాత్రలో కనిపించనున్నారు.