మెగాస్టార్ చిరంజీవిని ఎంతో ప్రాణంగా ప్రేమించే యంగ్ హీరో కార్తికేయ ఇప్పుడు ఆయన పాత సినిమా టైటిల్పై కన్నేశాడు. చావు కబురు చల్లగా చిత్రంతో ఇటీవల ప్రేక్షకుల ముందుకు వచ్చిన కార్తికేయ ఈ సినిమాతో మరో ఫ్లాప్ని తన ఖాతాలో వేసుకున్నాడు. ప్రస్తుతం వి. వి. వినాయక్ అసోసియేట్ శ్రీసరిపల్లి దర్శకత్వంలో చిత్రం చేస్తుండగా, ఈ సినిమాకి రాజా విక్రమార్క్ అనే టైటిల్ ఫిక్స్ చేస్తూ ఫస్ట్ లుక్ విడుదల చేశారు. ఫస్ట్ లుక్లో కార్తికేయ ఎంతో కూల్గా ఉన్నట్టు కనిపిస్తున్నారు.
కార్తికేయ ఇందులో ఎన్.ఐ.ఎ. ఆఫీసర్ పాత్రలో నటిస్తున్నాడు. సీనియర్ కన్నడ స్టార్ హీరో రవిచంద్రన్ మనవరాలు తాన్యా రవిచంద్రన్ ఈ మూవీతో టాలీవుడ్ ఎంట్రీ ఇస్తోంది. క్లాసికల్ డాన్సర్ అయిన ఈమె ఇప్పటికే తమిళంలో విజయ్ సేతుపతి, అధర్వ మురళీ సరసన నటించి గుర్తింపు తెచ్చుకుంది. ఇక మరో యువ నటుడు సుధాకర్ కోమాకుల ఓ ప్రత్యేక పాత్ర పోషిస్తున్నాడు. ‘మెంటల్ మదిలో’, ‘దొరసాని’ చిత్రాలకు సంగీతం అందించిన ప్రశాంత్ ఆర్ విహారి దీనికి సంగీతం అందిస్తున్నారు.