ప్రముఖ బాలీవుడ్ సింగర్ ఉదిత్ నారాయణ్ తనయుడు, సింగర్ కమ్ టీవీ హోస్ట్ అయిన ఆదిత్య నారాయణ్ కొవిడ్తో హాస్పిటల్లో చేరాడు. శనివారం తనతోపాటు తన భార్య శ్వేతా అగర్వాల్కు కూడా కరోనా సోకిందని తాము హోమ్ క్వారంటైన్లో ఉన్నట్లు ఆదిత్య చెప్పాడు. అయితే ఇప్పుడు మాత్రం ఆదిత్య ఆసుపత్రిలో చేరాల్సి వచ్చినట్లు ఉదిత్ నారాయన్ తెలిపాడు. తన ఆరోగ్యం బాగా ఉన్నదని, త్వరలోనే కోలుకుంటానని, తన ఆరోగ్యం కోసం ప్రార్థించాల్సిందిగా కోరుతూ ఆదిత్య తనకు టెక్ట్స్ మెసేజ్ పంపినట్లు ఉదిత్ చెప్పాడు. ఆదిత్య భార్య శ్వేత మాత్రం హోమ్ క్వారంటైన్లోనే ఉంది. 33 ఏళ్ల ఈ సింగర్ ప్రస్తుతం ఇండియన్ ఐడల్ షోకు హోస్ట్గా వ్యవహరిస్తున్నాడు. ప్రస్తుతం అతనికి కరోనా సోకడంతో ఆదిత్య స్థానంలో నటుడు జే భనుషాలి ఈ రియాల్టీ షోకు వ్యాఖ్యాతగా ఉన్నాడు.
ఇవికూడా చదవండి..
ఇదేం క్రీడాస్ఫూర్తి.. ఫకర్ జమాన్ను డీకాక్ మోసం చేశాడా.. వీడియో