ఈ రోజుల్లో హీరోలు కేవలం తమను తాము కాకుండా.. తమ వారసులను కూడా బాగానే పాపులర్ చేస్తున్నారు. చిన్నప్పటి నుంచే వాళ్ళ వారసులను సోషల్ మీడియా స్టార్స్ గా మార్చేస్తున్నారు. ఇప్పటికే మహేష్ బాబు కొడుకు, కూతురు ఇద్దరు సోషల్ మీడియాలో పాపులర్ అయిపోయారు. అల్లు అర్జున్ కూడా ఇదే చేస్తున్నాడు. ఈయన కొడుకు అల్లు అయాన్ ఇప్పటికే సోషల్ మీడియా స్టార్ అయిపోయాడు. ఆయన కూతురు అర్హ కూడా ముద్దు ముద్దు మాటలతో అందరినీ అలరిస్తుంది. ఎప్పటికప్పుడు కొత్త కొత్త ఫోటోలు పోస్ట్ చేస్తూ వారసులకు కావాల్సినంత క్రేజ్ వచ్చేలా చేస్తున్నాడు స్టైలిష్ స్టార్.
ఇప్పుడు కూడా మరోసారి ఇదే చేశాడు. తాజాగా తన కొడుకు అల్లు అయాన్ ను సైనికుడిగా మార్చేశాడు అల్లు అర్జున్. సోల్జర్ కాస్ట్యూమ్ లో ఉన్న ఫోటోను సోషల్ మీడియాలో పోస్ట్ చేశాడు. అందులో వీర సైనికుడిలా అదిరిపోయే పోజ్ ఇచ్చాడు అయాన్. చేతిలో గన్ పట్టుకొని యుద్ధ సైనికుడిలా నిలబడ్డాడు. ఈ ఫోటోలు చూసి అల్లువారి అభిమానులు తెగ మురిసిపోతున్నారు. ఫ్యూచర్ లో తమకు మంచి హీరో దొరికేసాడు అని వాళ్ళు పండగ చేసుకుంటున్నారు. ఎప్పటికప్పుడు కొత్త కొత్త ఫోటోలు కొత్త కొత్త ఫోజులతో అల్లు అయాన్ అభిమానులను అలరిస్తూనే ఉంటాడు. ఈ బుడ్డోడు చేసే విన్యాసాలకు అప్పుడప్పుడు సోషల్ మీడియా కూడా షేక్ అయిపోతుంది. అల్లు వారసుడు జోరు చూస్తుంటే త్వరలోనే బాలనటుడిగా ఇండస్ట్రీకి వచ్చేలా కనిపిస్తున్నాడు.