శుక్రవారం 25 సెప్టెంబర్ 2020
Telangana - Aug 08, 2020 , 17:34:07

నమస్తే తెలంగాణ కథల పోటీకి ఆహ్వానం

నమస్తే తెలంగాణ కథల పోటీకి ఆహ్వానం

నమస్తే తెలంగాణ - ముల్కనూరు ప్రజాగ్రంథాలయం 

[ముల్కనూరు, భీమదేవరపల్లి(మం), వరంగల్‌ అర్బన్‌ జిల్లా] 
సంయుక్త నిర్వహణలో 


పోటీ ప్రధాన ఉద్దేశం 

సంస్కృతి, చరిత్ర, సమకాలీన జీవన వైవిధ్యాల, వైరుధ్యాల నేపథ్యంలో కథ ఉండాలి. నవ్యతకు, సృజనాత్మకతకు పెద్దపీట వేసే కథలకు మాత్రమే ఆహ్వానం పలుకుతున్నాం.  పోటీకి వచ్చిన కథలలో ఉత్తమమైన 22 కథలనుఎంపిక చేస్తాం. 


  • బహుమతి పొందిన కథలు నమస్తే తెలంగాణ ‘బతుకమ్మ’లో ప్రచురితం అవుతాయి. 
  • పది కథలను సాధారణ ప్రచురణ కోసం స్వీకరిస్తాం. ఈ కథలకు వెయ్యి రూపాయలతోపాటు,జ్ఞాపికలు అందజేస్తాం.  
  • బహుమతి పొందిన కథలు పుస్తక రూపంలో కూడా అచ్చు వేసే అధికారం పోటీ నిర్వాహకులకు ఉంటుంది. 


  • ప్రథమ బహుమతి (ఒక్కరికి)    రూ.  50,000
  • ద్వితీయ బహుమతులు ఇద్దరికి (ఒక్కొక్కరికి)  రూ.  25,000     
  • తృతీయ బహుమతులు ముగ్గురికి(ఒక్కొక్కరికి)   రూ.  10,000   
  • కన్సొలేషన్‌ బహుమతులు ఆరుగురికి(ఒక్కొక్కరికి)    రూ.  5,000


నియమ నిబంధనలు

  • ఇంతకు ముందు ఎక్కడా (ప్రింట్‌ పత్రికలలో గానీ, వెబ్‌ పత్రికలలో గానీ, వ్యక్తిగత బ్లాగులలో గానీ, సోషల్‌ డియాలోగానీ) ప్రచురితం కాని కథలను మాత్రమే పోటీకి పంపాలి.  ఇప్పటికే ఎక్కడైనా పరిశీలనలో ఉన్న రచనలు పోటీకి అనర్హం.
  • పై అంశాలను ధృవీకరిస్తూ హామీపత్రం తప్పనిసరిగా జతపరచాలి.  ప్రచురణకు అంగీకరించని రాతప్రతులను తిరిగి  పంపడం సాధ్యం కాదు. 
  • ఒకరు ఎన్ని కథలైనా పంపొచ్చు. రచనకు ఏ కలం పేరు వాడినా రచయిత / రచయిత్రి అసలు పేరు, పూర్తి చిరునామా, ఫోన్‌ నంబర్‌ తప్పనిసరిగా హామీ పత్రంలో రాయాలి. కథ  అనువాదంగానీ, అనుకరణగానీ, అనుసరణకానీ కాదని హామీపత్రంలో స్పష్టం చేయాలి.
  • పోటీలో ఏ బహుమతి పొందిన కథనైనా, ఫలితాలు వెలువడిన తరువాత వెనక్కి తీసుకునే అవకాశం కథా రచయితలకు లేదని గమనించగలరు.
  • బహుమతుల విషయంలో న్యాయనిర్ణేతలదే తుది నిర్ణయం. ఈ విషయంలో ఉత్తర ప్రత్యుత్తరాలకు తావులేదు. రచయితలకు ప్రాంతీయ భేదం లేదు. ఏ రాష్ట్రమైనా, ఏ దేశంలో ఉన్న తెలుగు వారైనా కథలు పంపవచ్చు. 
  • విజేతలకు ముల్కనూరులో   బహుమతుల ప్రదాన కార్యక్రమం ఉంటుంది. కథలపోటీ ఫలితాలు నమస్తే తెలంగాణ బతుకమ్మలో ప్రచురితం అవుతాయి.


పంపాల్సిన విధానం 

  • రాత ప్రతి అయితే  కథ 12 పేజీలు మించకుండా ఉండాలి. 
  • ఈ-మెయిల్‌ ద్వారా పంపేవారు యూనికోడ్‌లో వర్డ్‌ఫైల్‌ పంపవచ్చు. దాన్ని పీడీఎఫ్‌లోకి కూడా మార్చి ఎటాచ్‌ చేయాలి. 
  • పేజ్‌మేకర్‌లో డీటీపీ చేయించి కథను పంపేవారు పీఎమ్‌డీ ఫైల్‌ను, పీడీఎఫ్‌ను కూడా జత చేసి ఆ రెండింటినీ 
  • ఈ-మెయిల్‌లో ఎటాచ్‌ చేసి పంపాలి. 
  • డీటీపీ, వర్డ్‌ఫైల్‌ ఏ4 సైజులో 14 నుంచి 16 ఫాంట్‌లో నాలుగు, ఐదు పేజీలకు మించకూడదు. 
  • పదాల్లో అయితే కథ 1500 పదాలకు మించకూడదు. 
  • హామీపత్రం జత చేయడం మర్చిపోవద్దు.
  •  కథల ప్రతులపైన రచయిత / రచయిత్రి పేరు ఉండరాదు. విడిగా హామీపత్రం పైన మాత్రమే పేరు ఉండాలి. 


కథలు పంపాల్సిన చిరునామా 

బతుకమ్మ కథలపోటీ, నమస్తే తెలంగాణ

# 8-2-603/1/7, 8, 9, రోడ్‌ నంబర్‌ 10, 

బంజారాహిల్స్‌, హైదరాబాద్‌  500 034.

మీ కథలు పంపాల్సిన ఈ -మెయిల్‌ ఐడీ : [email protected]

కథలు మాకు అందాల్సిన చివరి తేదీ : సెప్టెంబరు 15, 2020


logo