ఎమ్మెల్సీ కవితకు ‘వృక్షవేదం’ పుస్తకం అందజేత

హైదరాబాద్‌: రాష్ట్రంలోని అడవులు, ప్రకృతి అందాల చిత్రాలతో కూడిన ‘వృక్షవేదం’ పుస్తకాన్ని ఎమ్మెల్సీ కవితకు రాజ్యసభ సభ్యులు సంతోష్ కుమార్ అందించారు. గ్రీన్ ఇండియా చాలెంజ్‏లో భాగంగా తెలంగాణలో ఉన్న అడవులు, చెట్లకు సంబంధించి వేదాలలో ఉన్న విషయాలను తెలుగు, ఇంగ్లీష్, హిందీ భాషల్లో ఈ పుస్తకాన్ని ప్రచురించారు. ఈ సందర్భంగా కవిత మాట్లాడుతూ.. వృక్షవేదం పుస్తకం చాలా అద్భుతంగా ఉందన్నారు. రాష్ట్రంలో ఉన్న అడవులు, ప్రకృతి అందాలను ఎంతో రమణీయంగా చూపించారని తెలిపారు. పర్యావరణ ప్రేమికులకు ఈ పుస్తకం ఎంతో ఆనందాన్ని, ప్రజల్లో పచ్చదనం పట్ల చైతన్యాన్ని తీసుకువస్తుందని తెలిపారు. వృక్ష వేదం పుస్తకాన్ని రూపొందించిన ఎంపీ సంతోష్ కుమార్, గ్రీన్ ఇండియా చాలెంజ్ సంస్థ సభ్యులను ఎమ్మెల్సీ కవిత అభినందించారు.