నల్ల జాతి అమెరికన్ దాడి
న్యూయార్క్, మార్చి 30: ఆమె 65 ఏండ్ల వృద్ధురాలు. నడుచుకుంటూ వెళ్తున్నది. ఎక్కడి నుంచో ఒకడు వచ్చి అమాంతం కడుపులో తన్నాడు. ఆ దెబ్బకు వృద్ధురాలు రెండడుగుల వెనక్కు పడింది. దుండగుడు మళ్లీ ఆమె పొట్టలో తన్నాడు. తర్వాత తలపై తన్నాడు. ఆపై తాపీగా నడుచుకొంటూ వెళ్లిపోయాడు. అమెరికాలో న్యూయార్క్ రాష్ట్రంలోని మాన్హాట్టన్ వీధుల్లో సోమవారం పట్టపగలు ఓ ఆసియా అమెరికన్పై స్థానిక నల్లజాతి అమెరికన్ చేసిన క్రూరమైన దాడి ఇది. సీసీటీవీ కెమెరాల్లో రికార్డు అయిన ఈ వీడియోను న్యూయార్క్ పోలీసు విభాగం(ఎన్వైపీడీ) విడుదల చేసింది. దుండగుడు వృద్ధురాలిని దారుణంగా తన్నటమేకాదు.. ఆమె ఆసియా మూలాలను పేర్కొంటూ బూతులు తిడుతున్న విషయం స్పష్టంగా రికార్డు అయింది. అమెరికాలో కరోనా వ్యాప్తికి ఆసియన్లే కారణమన్న అపోహతో ఇటీవల వారిపై దాడులు పెరుగుతున్నాయి.
ఇవి కూడా చదవండి:
హాంకాంగ్పై చైనా మళ్లీ కన్నెర్ర..
ప్రపంచ బట్టతల సోగ్గాడు.. ప్రిన్స్ విలియం
అధ్యక్షుడి చివరి చూపు కోసం వచ్చి 45 మంది మృతి